लमही । प्रधानमन्त्री कप महिला ट्वेन्टी–२० क्रिकेटअन्तर्गत् विभागीय टोली एपीएफ र लुम्बिनी प्रदेश सेमिफाइनलमा प्रवेश गरेका छन् ।

प्रतियोगिताअन्तर्गत् आइतबार भएको खेलमा एपीएफले प्रदेश नम्बर–२ लाई ८ विकेटले हरायो ।

लमहीस्थित देउखुरी क्रिकेट मैदानमा प्रदेश–२ ले दिएको ७३ रनको सामान्य लक्ष्य एपीएफले १३ ओभर १ बलमा २ विकेट गुमाउँदै पूरा ग¥यो ।

एपीएफका लागि ज्योति पाण्डेले सर्वाधिक ३० रन बनाइन् । कप्तान सरिता रानामगरले १८ रन बनाउँदा सरिता मगरले ६ रनको योगदान गरिन् ।

बलिङतर्फ प्रदेश–२ का लागि सरस्वती कुमारी र कविता गौतमले समान एक–एक विकेट लिए ।

यसअघि, टस जितेर पहिले ब्याटिङ गरेको प्रदेश–२ ले २० ओभरमा ८ विकेट गुमाउँदै ७२ रन बनाएको थियो ।

प्रदेश–२ का लागि अनुराधा चौधरीले सर्वाधिक १८ रनको योगदान गरिन् । शोभा आलेले १३ रन बनाउँदा सन्तोषी चौधरीले ९ रन जोडिन् ।

बलिङतर्फ एपीएफका लागि सीता रानामगरले २ विकेट लिइन् । त्यस्तै, रेखा रावल, करुणा भण्डारी र इश्वरी विष्टले एक÷एक विकेट लिए ।

पहिलो खेलमा कर्णाली प्रदेशविरुद्ध सानदार जित निकालेको एपीएफले दोस्रो खेलमा पनि सहज जित निकाल्दै प्रतियोगिताको सेमिफाइनलमा स्थान बनाएको हो ।

लगातार दोस्रो हार व्यहोरेको प्रदेश–२ भने प्रतियोगिताबाट बाहिरिएको छ ।

आइतबारै भएको पहिलो खेलमा लुम्बिनी प्रदेशले कर्णाली प्रदेशलाई ९ विकेटले हराएको थियो ।

प्रतियोगिताअन्तर्गत् सोमबार पनि दुई खेल हुनेछन् । पहिलो खेल कर्णाली प्रदेश र प्रदेश–२ बीच हुनेछ । दोस्रो खेलमा लुम्बिनी प्रदेशले एपीएफको सामना गर्नेछ ।