site stats
बाह्रखरी :: Baahrakhari
साहित्य
Nabil BankNabil Bank
Sarbottam CementSarbottam Cement
विनायक पन्तका दुई कविता 
Ghorahi CementGhorahi Cement

भोको कवि

भोकै पेटले
लेखिरह्यो वर्षौंसम्म
‘अघाउनु’ को महाकाव्य

जब भरिँदै भरिएन
छोराको पेट,
तब भोकाएको हो कवि
चामलको कविता लेख्न ।

Agni Group

० ० ०
सिमाना
कसले बनाइरहेछ पिँजडा ?
अनि कसले समातिरहेछ ती स्वतन्त्र पन्छी ?

साना हत्केलामा शीतका थोपा थाप्दै
पिँजडाभित्रको पन्छीलाई पानी पिलाउने को हुन् ?
अनि को हुन सक्छन्, 
ती साना हत्केलामा हत्कडी लगाउनेहरू ?

Global Ime bank

सिमानामा देश दुखिरहँदा–
आँखा चिम्म गर्ने को हुन् ?
अनि को हुन ती ? 
–जो सडकमा राष्ट्रप्रेमले भरिएको छाती बोकेर हिँडिरहेका छन् ।

मध्यरातमा राष्ट्रियताको ओछ्यानमा लम्पसार परेको देशप्रेमी,
किन बिहान आँखा मिच्दै नेपाली हुँ भनेर पनि भन्न डराउँछ ?
के सिमाना मिचिँदै गर्दा, राष्ट्रियता पनि मिचिने हो र ?

सिमानामा देश लुटिरहँदा–
किन चुपचाप छन् ती ओठहरू ?
अनि किन उठ्दैनन् खबरदारीका औंलाहरू ?
के ती ओठहरू आफ्नी आमाको अस्मिता लुटिँदै गर्दा पनि चुपचाप बसिदिन्छन् र ?

इतिहासमा कहिल्यै गुलामी गर्न नजानेका नेपाली,
किन झुक्न बाध्य छन् छिमेकीको संघार भित्र ?
अनि किन लाचार बनेर हेरिरहेछन् आफ्नै कोखलाई बलात्कार गरिरहेको दृश्य ?
के किताबको पानामा पढेको गोर्खाको इतिहास झुटो थियो र ?

गणतन्त्रको आश्वासनमा गोली–बारुद खेलेका खेलाडी
किन मौन छन्, आफ्नै आँगनमा स्वाभिमानको प्रश्न उठ्दा ?
अनि किन सक्दैनन् सिमानामा तैनाथ हुन ?
र पनि फेरि किन स्थिर छन् ती हत्केलाहरू ?
जुन हत्केलाले सडकमा ढुंगा हान्न सिकाएको थियो ।

इतिहासमा शान्तिको झन्डा फहराउँदै
नीला आकाशमा उडेका ती स्वतन्त्र पन्छीहरू,
किन पिँजडाभित्र थुनिन बाध्य छन् छिमेकीको तगारोभित्र ?
अनि शीतका थोपा टिप्न किन आउँदैनन् कसैका हत्केलाहरू ?
के ती हत्केलाहरू पनि, छिमेकीको पैताला मिच्न बाध्य बनिरहेका छन् ?
 

NIBLNIBL
प्रकाशित मिति: शनिबार, पुस ११, २०७७  ०७:४३
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC