काठमाडौं । साबिक विजेता टोली युभेन्ट्स इटालियन सिरी ए फुटबलमा पराजित भएको छ । युभेन्ट्स मंगलबार राति भएको खेलमा फियोरेन्टिनासँग पराजित हुन पुगेको हो ।
लिगमा पहिलो हार बेहोर्ने क्रममा घरेलु मैदानमा १० खेलाडीमा सीमित बनेको युभेन्ट्स फियोरेन्टिनासँग ३-० गोल अन्तरले पराजित भएको हो । फेयोरेन्टिनाले खेलको तेस्रो मिनेटमा डुसान भल्कोभिचको गोलमार्फत अग्रता बनाएको थियो ।
युभेन्ट्स खेलको १८औं मिनेटमा १० खेलाडीमा सीमित भएको थियो । युभेन्ट्सका जु काउड्राडो रातो कार्ड खादै मैदानबाट बाहिरिएका थिए । युभेन्ट्सका लुबा सिल्भाले ७६औं मिनेटमा आत्मघाती गोल गरेपछि पाहुना टोली २-० ले अघि बढ्यो ।
खेलको ८१औं मिनेटमा मार्टिन केसरसले गोल गर्दै फियोरेन्टिनालाई जित दिलाए । हार भएसँगै युभेन्ट्स तालिकाको चौथो स्थानमा झरेको छ । लिगमा १३ खेल खेलेको युभेन्ट्सको २४ अंक छ । फियोरेन्टिना १४ अंकसहित तालिकाको १५औं स्थानमा उक्लिएको छ ।