विदेश
वासिङटन । कोरोनाभाइरसको नयाँ संस्करण फैलिएको आशंकामा बेलायतमा फाइजर र मोडर्नाको खोप परीक्षण गरिएको छ ।
यी खोपले नयाँ प्रकारको कोरोनाका लागि पनि काम गर्छ कि गर्दैन भनेर थाहा पाउन परीक्षण गरिएको अधिकारीहरुले जनाएका छन् ।
बेलायतमा गरिएको यो परीक्षणबाट त्यसले काम गर्ने वा नगर्नेबारेमा एक हप्तामा मात्रै यकिन हुने जनाइएको छ ।
‘अहिलेसम्मको विश्लेषणानुसार मोडर्नाले त्यसका विरुद्धमा काम गर्नेजस्तो देखिएको छ,’’ मोडर्नाद्वारा जारी वक्तव्यमा लेखिएको छ ।
यसबारेमा थप विवरण भने आगामी हप्ता दिइने पनि वक्तव्यमा जनाइएको छ । परीक्षणका लागि केही रगत संकलन गरेर सम्बन्धित ठाउँमा पठाइएको छ । रासस/एएनआई
तस्बिरः एएफपी ।
प्रकाशित मिति: मंगलबार, पुस ७, २०७७ १६:५७
प्रतिक्रिया दिनुहोस्