काठमाडौं । प्रिमियर लिग फुटबलमा चेल्सीले सहज जित हात पारेको छ । सोमबार राति भएको खेलमा चेल्सीले वेस्टहमलाई ३-० गोल अन्तरले पराजित गरेको हो ।
घरेलु मैदानमा भएको चेल्सीलाई जित दिलाउन टामी अब्राहामले दुई गोल गरे । त्यस्तै थियागोल सिल्भाले एक गोल गरे ।
खेलको १०औं मिनेटमा सिल्भाले गोल गर्दै टिमलाई अग्रता दिलाए । पहिलो हाफमा एक गोल गरेको चेल्सीले दोस्रो हाफमा थप एक गोल गर्न सफल भएको हो ।
७८औं मिनेटमा अब्राहमले गोल गर्दै टिमको अग्रता दोब्बर पारे । ८०औं मिनेटमा अब्राहमले व्यक्तिगत दोस्रो गोल गर्दै टिमलाई ३-० गोलको जित दिलाउन सफल भए ।
जितसँगै चेल्सीले शीर्ष पाँचमा आफूलाई स्थापित गरेको छ । लिगमा १४ खेल खेलेको चेल्सीको २५ अंक छ । पराजित वेस्टहम २१ अंकसहित तालिकाको १०औं स्थानमा छ ।