मस्को । संयुक्त राज्य अमेरिकामा हालसालै गरिएको साइबर हमलामा कुनै पनि भूमिका रहेको भन्ने भनाइलाई रूसले अस्वीकार गरेको छ ।
महत्वपूर्ण साइबर आक्रमणमा रुसको हात रहेको अमेरिकी आरोप प्रमाणहीन रहेको रूसको दाबी छ ।
अमेरिकी सांसदहरूले गत हप्ताको अन्त्यमा सरकारी एजेन्सीहरूमा भएको साइबर आक्रमणलाई कडा प्रतिक्रियाका लागि आग्रह गरेका र अमेरिकी राष्ट्रपति डोनाल्ड ट्रम्पले रुसप्रति औँला ठड्याउन नचाहेकोमा आलोचना गरेका छन् ।
रूसलाई ‘ह्याक’का लागि जिम्मेवार भन्दै रूसी प्रशासनको अमेरिकी अधिकारीहरूले व्यापक आलोचना गरिरहेका छन् ।
राष्ट्रपति भ्लादिमिर पुटिनका प्रवक्ता दिमित्री पेस्कोभले साइबर हमलाबारे वासिङटनमा जारी सार्वजनिक बहससँग रूसको कुनै संलग्नता नरहेको बताए । ‘रूस यी आक्रमणमा संलग्न छैन,’’ पेस्कोभले सोमबार पत्रकारहरुसँग भने ।
टेक्सासस्थित आईटी कम्पनी सोलारवाइन्ड्सद्वारा निर्मित उद्यम प्रबन्धन नेटवर्क सफ्टवेयरको प्रयोग गरी आक्रमणकारीहरूले कम्प्युटर नेटवर्कहरूमा आक्रमण गर्न सफल भएका अमेरिकी अधिकारीले बताएका छन् ।
अमेरिकी ट्रेजरीसहितका सरकारी निकायहरू रहेका व्यक्तिहरू पनि प्रभावित भएका आक्रमण गराउन सहयोग गरेको हुनसक्ने अनुसन्धानकर्ताहरूले बताएका छन् । यसले विश्वव्यापी साइबर आक्रमणको लक्ष्यमा अमेरिका र अमेरिकी संस्थाहरू परेको देखिएको उनीहरूले बताएका छन् ।
पेसकोभले भने, ‘‘रसियाको संलग्नताका कुनै पनि आरोप बिल्कुल निराधार छन् र अन्धोरूपमा व्यक्त हुने रूसप्रतिको घृणा (रूसोफोबिया) को निरन्तरता हो ।’’
क्रेमलिनले युक्रेनको विद्युतीय प्रणालीलाई लक्षित गरी गरिएको आक्रमणमा रूसी गुप्तचरको हात रहेको भन्ने अमेरिकी आरोपलाई यसअघि पनि अस्वीकार गरेको थियो ।
पेस्कोभले भने, ‘रूसको संलग्नताका कुनै पनि आरोप बिल्कुल निराधार छन् र अन्धा रुसोफोबियाको निरन्तरता हो,’’ पेस्कोभले भने । रासस/एएफपी
तस्बिरः ईपीए ।