काठमाडौं । नेपाल खेलकुद पत्रकार मञ्चको आयोजनामा हुने पल्सर स्पोटर्स अवार्ड २०७६ अन्तर्गत पिपल्स च्वाइस मनोनयन घोषणा भएको छ ।
आयोजक एनएसजेफ शुक्रबार एक कार्यक्रमको आयोजना गर्दै मनोनयन सार्वजनिक गरेका हुन् । एनएसजेएफले सार्वजनिक गरेको अवार्ड अनुशासन चारजनालाई मनोनयन गरेको हो । जसमा पौडीकी गौरिका सिंह, भलिबलकी कप्तान अरुणा शाही, करातेका मन्डे श्रेष्ठ, बास्केटबलकी कप्तान सलिना श्रेष्ठ र फुटबलकी सावित्रा भण्डारी परेका छन् ।
गौरिकाले घरेलु मैदानमा सम्पन्न १३ औं दक्षिण एसियायी खेलकुद प्रतियोगिता (साग) मा नेपालका लागि पौडीमा ४ स्वर्ण पदक दिलाएकी थिइन् । त्यस्तै अरुणा नेपाली महिला भलिबल टोलीले एतिहासिक रजत पदक जित्दा उनी मुख्य खेलाडी थिइन् । त्यस्तै मन्डेले साग खेलकुदमा करातेमा नेपालका लागि दुई स्वर्ण अदक जिताएका थिए ।
यता फुटबलमा सावित्राले नेपाली टोलीलाई रजत पदक दिलाउन महत्त्वपूर्ण भूमिका खेलेकी थिइन् । बास्केटबलकी सलिना नेपाली महिला बास्केटबल टोलीले रजत पदक जित्दा मुख्य खेलाडी थिइन् । पुष २८ गते हुने अवार्डका अन्य विधाका मनोनयन भने केही दिनमा सार्वजनिक हुनेछ ।