खेल
काठमाडौं । स्पेनिस ला लिगा फुटबलमा सेभियाले जित हात पारेको छ । शनिबार भएको खेलमा सेभियाले गेटाफेलाई १–० गोल अन्तरले पराजित गरेको हो ।
गटाफेको घरेलु मैदानमा भएको खेलमा सेभियालाई जित हासिल गर्न आत्मघाती गोलले राहात दिलाएको थियो । पहिलो हाफमा गोलरहित बराबरी खेलेको सेभियाले दोस्रो हाफमा जित हासिल गरेको थियो ।
खेलको ८१ औं मिनेटमा साभियर सेटियाले आत्मघाती गोल गर्दा सेभियाले जित हात पारेको हो । जितसँगै सेभियाले ११ खेलमा १९ अंक जोडेको छ । सेभिया तालिकाको पाँचौं स्थानमा रहेको छ ।
पराजित गेटाफे १३ अंकसहित १५ औं स्थानमा छ । शनिबार नै भएको अर्काे खेलमा भ्यालेन्सीया र एथ्लेटिक क्लबले २–२ गोलको बराबरी खेलेका छन् ।
प्रकाशित मिति: आइतबार, मंसिर २८, २०७७ ०६:३६
प्रतिक्रिया दिनुहोस्