काठमाडौं । जर्मन बुन्डेश लिगा फुटबलमा बोरुसिया डर्टमण्ड पराजित भएका छ । उपाधि दावेदारको रुपमा रहेको डर्टमण्डले लज्जास्पद हार व्यहोरेको छ ।
शनिबार भएको खेलमा डर्टमण्ड नवप्रवेशी क्लब भीएफबी स्टटगाटसँग ५–१ गोल अन्तरले पराजित भएको हो । डर्टमण्डको घरेलु मैदानमा भएको खेलको २६ औं मिनेटमा सिलास वामानगितुका फुन्डुले पेनाल्टीमा गोल गर्दै स्टटगार्टलाई अग्रता दिलाए ।
घरेलु टोली डर्टमण्डका लागि जियोवन्नी रेयनाले ३९ औं मिनेटमा बराबरी गोल फर्काए । पहिलो हाफमा १–१ गोलले सकिएको खेल दोस्रो हाफमा पाहुना टोलीले ४ गोल गरेको थियो ।
५३ औं मिनेटमा सिलास वामनगितुकाले गोल गर्दै स्टटगार्टले २–१ को अग्रता बनायो । फिलिप फोस्टरले ६० औं मिनेटमा पाहुना टोलीले आफ्नो अग्रता ३–१ को बनायो ।
त्यसको तीन मिनेटमा तन्गी कोलीबालले स्टटगार्टका लागि एक गोल थपे । ईन्जुरी समयमा निकोलस गोन्जालेजले गोल गर्दै पाहुना टोलीलाई ५–१ को शानदार जित दिलाए ।
आजको हारसँगै डर्टमण्ड ११ खेलबाट १९ अंकसँगै तालिकाको पाँचौ स्थानमा छन् । समान खेल खेलेको स्टटगार्टको १७ अंकसँगै तालिकाको छैटौं स्थानमा छ ।