काठमाडौं । गौतमबुद्ध कप क्रिकेट अन्तर्गत पहिलो खेलमा टिम नारायणीले जित हात पारेको छ । शनिबार भएको पहिलो खेलमा नारायणीले वागमतीलाई सुपर ओभरमा पराजित गराएको हो ।
चितवन स्थित गौतमबुद्ध क्रिकेट मैदानमा वागमतीले जितका लागि दिएको ११८ रनको लक्ष्य नारायणीले निर्धारित २० ओभरमा ९ विकेट गुमाउँदै ११७ रन बनाउन सफल भएको थियो । नारायणीका लागि आरिफ शेखले सर्वाधिक ४४ रन बनाएका थिए । त्यस्तै शिधार्थ लोहनीले २० रन बनाउँदा इशान पाड्ले १३ तथा कप्तान सुवास खकुरेलले ११ रन बनाउन सफल भए ।
बलिङतर्फ वागमतीका लागि सोमपाल कामीले दुई विकेट लिए । त्यस्तै सागर ढकाल, पवन सर्राफ, बिक्रम सोव, ललित राजवंशी र राशिद खानले समान एक–एक विकेट लिए ।
यसअघि टस हारेर पहिले ब्याटिङ गरेको वागमतीले निर्धारित २० ओभरमा ८ विकेट गुमाएर ११७ रन बनाएको थियो । वागमतीका लागि सुनिल धमला र बिक्रम सोबले सर्वाधिक ३७–३७ रनकोे योगदान गरे । त्यस्तै रासिद खानले २७ रन बनाउँदा अन्य कुनै खेलाडीले दोहोरो रन जोड्न सकेनन् ।
बलिङतर्फ नारायणीका लागि शाहव आलमले सार्वाधिक तीन विकेट लिए । त्यस्तै दिपेश श्रेष्ठले दुई विकेट लिए । नारायणीका लागि करण केसी, किसोर महत्व र सुशन भारीले समान एक–एक विकेट लिए ।