काठमाडौं । पोर्चुगली क्लब पोर्टाे च्याम्पियन्स लिग फुटबलको अन्तिम १६ मा प्रवेश गरेको छ । मंगलबार राति भएको खेलमा म्यान्चेस्टर सिटीसँग गोलरहित बराबरी खेल्दै पोर्टाेले अन्तिम १६ मा स्थान बनाएको हो । 

खेलमा प्रिमियर लिग क्लब सिटीले १८ सट प्रहार गरे पनि गोल भने गर्न सकेन । सिटी यसअघि नै नकआउट चरणमा प्रवेश गरि सकेको थियो । पोर्टाेका लागि भने अन्तिम खेल पर्खनु पर्ने अवस्था थियो । 

बराबरीसँगै सिटीले लिगमा पाँच खेलबाट १३ अंक जोडेको छ । यता पोर्टाेले लिगमा १० अंक जोडेको छ । दुबै टोली अब लिगको अघिल्लो चरणमा प्रवेश गरेको छन् । 

समूह डी अन्तर्गत एटलान्टाले पनि मट्डिजल्यान्डसँग १–१ गोलको बराबरी खेलेको छ । बराबरीसँगै एट्लान्टाको पाँच खेलबाट ८ अंक जोडेको छ । मट्डिजल्यान्ड भने यसअघि नै समूह चरणबाट बाहिरिसकेको छ ।