देश
काठमाडौं । काठमाडौं उपत्यकाका हट स्पटहरुमा एकैदिन ४५ जनामा कोरोना संक्रमण देखिएको छ । चाबहिल, मित्रपार्क, विशालनगरलगायत क्षेत्रमा सोमबार ७२० जनामा परीक्षण गर्दा ४५ जनामा पोजेटिभ देखिएको इपिडिमियोलोजी तथा रोग नियन्त्रण महाशाखाका निर्देशक डा. वासुदेव पाण्डेले बताए ।
सरकारले काठमाडौं उपत्यकाका हट स्पटहरुमा सोमबारदेखि एन्टिजेन विधिबाट कोरोना भाइरस परीक्षण शुरु गरेको थियो । पछिल्लो समय उपत्यकामा बढ्दो कोरोना संक्रमितको संख्यालाई मध्यनजर गर्दै कम्तीमा १ लाख जनामा परीक्षण गर्ने गरी कार्यक्रम शुरु गरिएको डा. पाण्डेले बताए । एन्टिजेन आधा घण्टामै नतिजा आउने कोरोना परीक्षण विधी हो ।
प्रकाशित मिति: मंगलबार, मंसिर १६, २०७७ १५:१८
प्रतिक्रिया दिनुहोस्