राजनीति
काठमाडौं । नेकपाका स्थायी कमिटी सदस्य शङ्कर पोखरेलले पार्टीमा उत्पन्न समस्याको कारक प्रधानमन्त्री केपी शर्मा ओलीलाई मात्रै ठान्नु एकता विरोधी मानसिकता भएको बताएका छन् । सामाजिक सञ्जालमा छोटो स्ट्याटस राख्दै लुम्बिनी प्रदेशका मुख्यमन्त्रीसमेत रहेका पोखरेलले एक अध्यक्षमात्रै जिम्मेवार हुन नसक्ने बताएका हुन् ।
“पार्टीमा उत्पन्न समस्याका लागि कुनै एक अध्यक्षलाई मात्र जिम्मेवार देखाएर राजिनामाको माग गर्नु पार्टी एकता विरोधी गुटगत मानसिकता हो,” उनले भनेका छन् । नेकपाको सचिवालय बैठक आज दिउँसो १ बजे बस्दैछ । बालुवाटारमा बस्ने आजको बैठकमा ओलीको प्रत्युत्तर जवाफमाथि सचिवालय सदस्यहरूले आफ्ना दृष्टिकोण राख्नेछन् ।
प्रकाशित मिति: मंगलबार, मंसिर १६, २०७७ ०९:१४
प्रतिक्रिया दिनुहोस्