काठमाडौं । रियाद मेहरेजको ह्‌याट्रिकको सहयोगमा म्यानचेस्टर सिटीले प्रिमियर लिगमा सहज जित निकालेको छ । शनिबार राति भएको खेलमा सिटीले बर्नलीलाई ५-० गोल अन्तरले पराजित गरेको हो ।

घरेलु मैदानमा भएको खेलमा रियललाई जित दिलाउन रियाद महरेजले ह्याट्रिक गरे । त्यस्तै बेन्जामिन मेन्डी र फेरान टोरेसले समान एक-एक गोल गरे । 

खेलको छैटौं मिनेटमा महरेजले गोल गर्दै टिमलाई अग्रता दिलाए । २२औं मिनेटमा महरेजले व्यक्तिगत दोस्रो गोल गर्दै टिमको अग्रता दोब्बर पारे । 

४१औं मिनेटमा मेन्डीले घरेलु टोलीको अग्रता ३-० बनाए । ६६औं मिनेटमा टोरेसले गोल गर्दै टिमको अग्रता ४-० पारे । सिटीका लागि मेहरेजले ६९औं मिनेटमा ह्‌याट्रिक पूरा गर्दै टिमलाई ५-० गोलको जित दिलाए । 

जितसँगै सिटीले ९ खेलबाट १५ अंक जोडेको छ । सिटी लिगको आठौं स्थानमा छ । पराजित बर्नली ९ खेलबाट ५ अंक जोडेको छ । बर्नली तालिकाको १८औं स्थानमा छ ।