हङकङ । हङकङमा प्रजातन्त्र समर्थित चार सांसदहरुलाई तत्कालदेखि नै लागु हुने गरी अयोग्य ठहर गरिएको छ ।
बेइजिङले हङकङ सरकारलाई राष्ट्रिय सुरक्षाको लागि खतरनाक ठान्ने राजनीतिज्ञहरुलाई अयोग्य ठहर्याउने नयाँ प्रस्ताव पारित गरेपछि हङकङले चार प्रजातन्त्र समर्थित सांसदहरुलाई अयोग्य ठहर गरिएको हो ।
हङकङको स्वतन्त्रतामा प्रतिबन्ध लगाउने चीनको यो पछिल्लो कदमको रुपमा लिइएको जनाइएको छ । प्रजातन्त्र समर्थक अन्य सांसदहरूले हङकङको यस कदमको विरोध गर्दै राजीनामा दिनसक्ने जनाइएको छ ।
यसअघि चीनले हङकङमा नयाँ सुरक्षा कानुन लागु गर्दै सरकारविरुद्ध प्रदर्शन गर्ने, स्वतन्त्रताको माग गर्नेहरुमाथि कारबाहीको अभियान सुरु गरेको थियो । चीनको उक्त कदमको बेलायतसहितका पश्चिमा मुलुकहरुले चर्को विरोध गरेका थिए । - बीबीसी