अहमदावाद । कोब्रासँग लिइएको सेल्फीले ४० हजार रुपैयाँ जरिवाना तिर्नु परेको छ । आरोपित आसेस बारोटले ‘कोब्रा फर १ जहार’ क्याप्सन सहित यसलाई्र फेसबुकमा पनि राखेका थिए । यो तस्बिर ह्वाट्एपको माध्यमबाट भाइरल भएको थियो र यसले बन्य जन्तु कार्यकर्ताको ध्यान पनि खिचेको थियो ।

“यो पोस्टलाई उनका साथी जीतु चान्डवानीले ह्वाट्सएमा सेयर पनि गरेका थिए र मैले यो पोस्टलाई बन्यजन्तु अपराध समूहमा तत्काल सेयर गरेको थिए । यसको सुरुको तस्बिर कससे पहिले सेयर गर्यो भन्ने पनि हामीले थाहा पायौं । पछि हामीले उनको बारेमा जिल्ला बन अधिकृतलाई जानकारी गरायौ र अधिकृतले उनलाई पक्राउ गरे र जरिवाना लगाए ।” नेहा जनावर सम्बन्धि गतिविधिका कार्यकर्ता पटेलले भने ।

“हामीले आरोपीलाई बोलायौं र उनले आफ्नो अपराधा स्वीकार पनि गरे । उनले कोब्रासँग सेल्फी लिएको र यसलाई अनलाइनमा राखेको अपराध स्वीकार गरे । पछि उनले उक्त पोस्ट हटाएका थिए । उनलाई २५ हजार भारु अर्थात् ४० हजार नेपाली रुपैयाँ जरिवाना गरियो । उक्त कोब्रालाई अन्य कसैले मुक्त गराएका थिए । १९७२ को वाइल्डलाइफ प्रोटेक्सन एक्टले संरक्षित बन्यजन्तु पर्ने भएकाले कोब्राको विक्रीमाथि प्रतिबन्ध लगाउदै आएको छ ।” बन अधिकृत पी बी चौहानले बताए । एजेन्सी