वाशिङ्टन । अमेरिकी राष्ट्रपति निर्वाचनका लागि डेमोक्रेट उमेदवार जो बाइडेन राष्ट्रपतिमा निर्वाचित भएमा भविष्यमा चिनियाँ सामग्रीमा लगाइने करका विषयमा मुख्य सहयोगी राष्ट्रहरुसँग तत्काल परामर्श गर्ने उनका वरिष्ठ सल्लाहकारले बताएका छन् । चीनविरुद्ध आफूलाई बलियोरुपमा स्थापित गर्न 'सामूहिक लाभ' का बारेमा मुख्य सहयोगी राष्ट्रहरुसँग परामर्श गर्ने सल्लाहरकारले बताएका हुन्छ ।
राष्ट्रपति निर्वाचनको ५ दिनअघि रोयटर्ससँगको एक अन्तर्वार्तामा बाइडेनका दुई सहयोगीहरुले राष्ट्रपति डोनाल्ड ट्रम्पले गरेको गल्तीलाई नदोहोर्याउने बताएका छन् । उनीहरुले राष्ट्रपति ट्रम्पको 'अमेरिका पहिलो' एजेन्डा अन्तर्गत युरोपियन र क्यानाडाली सामग्रीमासमेत कर बढाएको विषयमा आपत्ति जनाउँदै अमेरिकी पार्टनरहरुसँगको ट्यारिफको विषयमा छलफल हुने बताएका हुन् ।
"ट्रम्प प्रशासनको असफलता ट्रम्पसँगै बिदा हुनेछ । ओबामा प्रशासनका पूर्व वरिष्ठ विदेश नीति, जेफ्री प्रेसकोटले भने, "ट्रम्पको असफलताले चीनलाई सजिलो बनाएको छ ।"
डेमोक्रेटिक उमेदवार बाइडेन निर्वाचित भएमा ट्रम्पले विश्वको दुई ठूला अर्थतन्त्रबीचको व्यापार युद्धको लागि प्रयोग गरेको चीनबाट बृहत कर उठाउने रणनीतिका विषषमा बाइडेनले पनि बढाउँछन् भन्ने प्रश्नको जवाफ अस्वीकार गरेका छन् ।
प्रेसकोटले भने, "हामीले कुनै पनि अपरिपक्व कुरालाई अन्तिम निर्णय मान्दैनौं । किनकि हामी आफैंले के पाउँछौं भनेर ठ्याक्कै थाहा पाउँदैनौं । तर मित्रराष्ट्रहरूसँग परामर्श गर्नु यसको हिस्सा हुनेछ ।"
तीव्र व्यापार युद्ध नै वाशिङ्टन र बेइजिङबीचको तनावको मुख्य मुद्दा हो । जसले दुई मुलुकबीचको दशकौंदेखिको सम्बन्धमा दरार पैदा गरेको छ । जसमा कोरोना भाइरसको महामारी, हङकङमा जारी गरेको नयाँ सुरक्षा कानुन, बौद्धिक सम्पत्तिको चोरी, मानवअधिकारको उल्लंघन, ताइवान र साउथ चाइन सीको विवादलगातका कुराहरुले दुई मुलुकबीचको सम्बन्धमा थप तनाव सिर्जना गरेको छ ।
२०२० को राष्ट्रपति पदको चुनावी अभियानमा चीन केन्द्रीय विदेश नीतिमा केन्द्रित रहेको छ । राजनीतिक सभामा ट्रम्पले अक्सर दाबी गरेका थिए कि बाइडेनले चीनको लागि नरम दृष्टिकोण राख्नेछन् ।
बाइडेनले ट्रम्पकोभन्दा चीनमा कडा हुने र व्यापारिक प्रतिबन्धहरु जारी गर्न पनि तयार हुने जवाफ दिएका थिए । ट्रम्प र उनका सहयोगीहरूले बिना तर्क बाइडेनलाई आरोपित गरेको बाइडेनको अभियानले जनाएको छ । ट्रम्पले जनवरीमा चीनसँग हस्ताक्षर पहिलो चरणको व्यापार सम्झौता एक ठूलो कदम भएको बताएका छन् ।
तर, विज्ञहरुले भने बेइजिङले अमेरिकाको सामानको कुल खरिद सम्झौताको पहिलो वर्षका लागि निर्धारित लक्ष्यभन्दा निकै कम हुने बताएका छन् । बाइडेनले चिनियाँ सामग्रीमा ट्यारिफ घटाउने विषयमा गरिएको प्रश्नमा सल्लाहकारहरुले थप दोहोर्याउँदे भने , "बाइडेनले पहिलो पटक संयुक्त राज्य अमेरिकाका मित्र राष्ट्रहरूसँग परामर्श गर्नेछन् ।"
ओबामा प्रशासनका पूर्व श्वेत हाउस र पेन्टागनका सल्लाहकार ब्रायन म्याकेनले भने, "तपाईंले युरोपियन र क्यानाडाली सामग्रीहरुमा ट्यारिफ बढाउनु हुँदैन बरु उनीहरूसँग व्यापारको सवालमा काम गर्न सक्नुहुन्छ ।"
"हामी चीनमा सामूहिक लाभ उठाउन सक्ने क्षेत्रहरू पहिचान गर्नका लागि तत्काल परामर्श आवश्यक गर्नेछौं," प्रेस्कटले भने । "तर अहिले उनीहरुलाई अलग गरिएको छ, राष्ट्रपति ट्रम्पले उनीहरुको अपमान गरेको छ, र त्यसले हाम्रो हात चीनभन्दा कमजोर भएको छ ।"