वाशिङ्टन । संयुक्त राज्य अमेरिकाका राष्ट्रपति डोनाल्ड ट्रम्पका एक वरिष्ठ सहयोगीले अमेरिकाले 'महामारीलाई नियन्त्रण गर्न नसक्ने' बताएका छन् ।
व्हाइट हाउसका चीन अफ स्टाफ मार्क मिडोज्ले कोभिड-१९ लाई कम संक्रमित क्षेत्र पहिचान गरी खोप र उपचारजस्ता विधिले मात्रै परास्त गर्न सकिने बताएका छन् ।
अमेरिकामा राष्ट्रपति निर्वाचनको नौ दिनअघि कोरोना संक्रमण तीव्ररुपमा वृद्धि भएपछि उनले यस्तो टिप्पणी गरेका हुन् ।
अमेरिकी राष्ट्रपतिका डेमोक्रेटिक उमेदवार जो बाइडेनले ह्वाइट हाउसले 'पराजित भएको स्वीकार गर्दै आत्मसमर्पण गरेको' बताएका छन् । उनले व्हाइट हाउसका चीफ अफ स्टाफ मीडोज्को टिप्पणीले ट्रम्प प्रशासनले 'अमेरिकी जनतालाई जोगाउने आधारभूत कर्तव्य त्यागेको' देखाएकोसमेत बताएका छन् ।
सीएनएनसँगको अन्तर्वार्तामा मेडोज्ले कोरोना भाइरस नियन्त्रण गर्नु यथार्थपरक लक्ष्य नभएको बताउदै 'यो फ्लू जस्तै संक्रामक भाइरस भएको' टप्पणी गरेका थिए ।
कोरोना महामारी सुरु भएदेखि हालसम्म दुई लाख २५ हजारभन्दा बढी अमेरिकी नागरिकको मृत्यु भइसकेको छ । यो संख्या विश्वको सबैभन्दा उच्च संक्रमणबाट हुने मृत्यु हो ।
जोन हप्किन्स विश्वविद्यालयका अनुसार अमेरिकाका शनिबार ८३ हजार ७१८ कोरोना संक्रमित देखिएका थिए भने शुक्रबार ८३ हजार ७५७ संक्रमित देखिएका थिए । यसअघि सबैभन्दा बढी जुलाई १६ मा ७७ हजार ३६२ कोरोना संक्रमित देखिएका थिए ।
अमेरिकामा हालमसम्म कोरोना भाइरस संक्रमितको कुल संख्या ८८ लाखभन्दा बढी रहेको छ । - बीबीसी