क्यामरुन । क्यमरुनको एक विद्यालयमा आक्रमणकारीहरुले हमला गरेपछि आठ बालबालिकाको मृत्यु भएको छ । क्यामरुनको दक्षिण पश्‍चिम सहरमा आक्रमण हुँदा आठ बालबालिकाको मृत्यु भएको र दर्जनौं घाइते भएको संयुक्त राष्ट्र संघले जनाएको छ । 

कुम्बा सहरमा रहेको मदर फ्रान्सिका इन्टरनेशनल बाइलिंगुअल एकेडेमीका मोटरसाइकलमा सवार सिभिल पोसाकमा आएका बन्दुकधारीले शनिबार मध्य दिउँसो आक्रमण गरेका हुन् । 

हालसम्म उक्त आक्रमणको जिम्मा कसैले पनि लिएका छैनन् । संयुक्त राष्ट्रसंघले यही महिनाको सुरुवातमा खुलेका विद्यालयमा भएको यो आक्रमण 'घोर अत्याचार' भएको जनाएको छ । 

संयुक्त राष्ट्रसंघको मानवियता मामिला संयोजन कार्यालयले ट्विट गर्दै भनेको छ, "कम्तिमा पनि आठ बालबालिको मृत्यु भएको छ भने १२ जनाभन्दा बढी घाइते भएका छन् । घाइतेहरुको स्थानीय अस्तपालमा उपचार भइरहेको छ । -  अलजजिरा