बाह्रखरी
sticky  ncell
Samsung
Daraz
British college
Samsung
Daraz
British college
सम्पादकीय प्रतिक्रिया दिनुहोस्
Jagadamba Group
Jagadamba Group
सम्पादकीय भूमाफियाको कुकर्म  दिनको उज्यालोमा मस्जिदमा डोजर चलाउनेहरू पहिल्याउन र पक्रन  नेपाल प्रहरीलाई मुस्किल नहुनुपर्ने हो 
बाह्रखरी - शनिबार, कात्तिक ८, २०७७
Laxmi Bank
Laxmi Bank
Godraj nepal
Godraj nepal
Agani Group
sarbottam cement

देश कोभिड—१९ को संक्रमणबाट आक्रान्त छ । गाउँगाउँमा महामारीको सन्त्रास व्याप्त छ भने बाक्ला आवादी भएका सहरहरू त लगभग संकटमै छन् । तैपनि, नेपालीहरू सकेसम्म हाँसीखुसी दसैँ मनाउँदै छन् । यो जीवटपन नेपालीको मौलिक जातीय चरित्र नै हो । विसं २०७२ सालको भूकम्पपछि नाकाबन्दी लागेका बेला पनि कष्ट सहेरै उत्साह र उमंगसाथ दसैँ मनाएका थिए । धर्म, जाति, भाषा, भेगमा जति धेरै विविधता भए पनि पारस्परिक सद्भाव र स्नेह नेपाली जातिका साझा विशेषता हुन् । यसैले त हिन्दु राज्यबाट एकाएक धर्म निरपेक्ष घोषणा गरिँदा पनि नेपालमा धार्मिक विद्वेष फैलिएन । यस्तो मुलुकमा दसैँ मनाइरहेकै बेला डोजर लगाएर मस्जिल भत्काउने प्रयत्न हुनु चिन्ता र आपत्तिको विषय हो ।

काठमाडौंको सुन्धारा नजिकै रहेको ‘मुसाफिर मदिनी मस्जिद’मा शनिवार एउटा समूहले डोजर प्रयोग गरेर मस्जिदको अगाडिको भाग भत्काइदिएको समाचार छ । यो मस्जिद करिब सय वर्ष पहिले काठमाडौं आवागमन गर्ने मुसलमानहरूका लागि नमाज पढ्न बनाइएको मानिन्छ । मस्जिदको जमिन नेपाल सरकारको स्वामित्वमा रहेको छ भने जमिनको भोगचलन भने मस्जिद व्यवस्थापनले गर्दैआएको छ । सुन्धारा क्षेत्रको बहुमूल्य जमिन हडप्न भूमाफियाहरू लागेको र तिनलाई काठमाडौं महानगरपालिकाका एक जना वडाध्यक्षले साथ दिएको एक जना वडा सदस्यले दाबी गरेकी छन् । समाचारमा उल्लेख भएअनुसार मस्जिदको जग्गा हडप्न लामो समयदेखि भूमाफियाले चलखेल गरिरहेका छन् । मुस्लिम आयोगका अध्यक्षले पनि जग्गा हडप्नकै लागि मस्जिद भत्काउने दुष्कर्म गरिएको धारणा प्रकट गरेका छन् ।

दसैँका बेलामा सञ्चार माध्यम र सरोकारवालाको ध्यान दिन नसक्ने ठानेर नै भूमाफियाले मस्जिद भत्काउन महाअष्टमीको दिन रोजेको हुनुपर्छ । मस्जिद भत्काइएको घटनाबाट मुसलमान समुदाय चिन्तित भएको समाचारमा उल्लेख गरिएको छ । यसो हुनु स्वाभाविक पनि हो । यस्तै, चिन्ता अरू समुदायले पनि गर्नुपर्छ । मस्जिद भत्काएर जग्गा हडप्न सक्यो भने भूमाफियाले मन्दिर, चैत्य र चर्च पनि बाँकी राख्नेछैनन् । मुस्लिम समुदायले पनि यस घटनालाई साम्प्रदायिक ठान्नु उचित हुँदैन । यो भूमाफियाकै हर्कत हुनुपर्छ । यसअघि पनि पटकपटक जग्गा हडप्न खोजिएको, धम्की दिइएकाले पनि यो कुकर्म भूमाफियाकै हुनुपर्छ भन्ने सहजै अनुमान लगाउन सकिन्छ । यसैले वडाध्यक्षको संलग्नता भए पनि नभए पनि सरकारले यथाशीघ्र मस्जिद भत्काउने अपराधीहरूलाई खोजेर प्रचलित कानुनबमोजिम सजाय दिन आलटाल गर्नु हुँदैन । मुसलमान समुदायले पनि धैर्य र संयम गुमाउनु आवश्यक छैन । नेपाल धार्मिक कट्टरता भएको असहिष्णु समाज होइन । दिनको उज्यालोमा मस्जिदमा डोजर चलाउनेहरूलाई पहिल्याउन र पक्रन राजनीतिक हस्तक्षेप नहुने हो भने नेपाल प्रहरीलाई कुनै मुस्किल नहुनुपर्ने हो । 

Nepal Investment bank
Sunrise bank
Nepal Investment bank
Sunrise bank
शनिबार, कात्तिक ८, २०७७ मा प्रकाशित
TATA Landing
TATA Landing
प्रतिक्रिया दिनुहोस्