विदेश
वारशा । पोल्यान्डका राष्ट्रपति अन्ड्रेज डुडालाई नोभेल कोरोना भाइरसको संक्रमण भएको छ । उनलाई अहिले क्वारेन्टिनमा रहेको र अवस्था सामान्य रहेको अधिकारीहरुले बताएका छन् ।
पोल्यान्डमा कोरोना संक्रमण बढ्दै गएपछि जारी प्रतिबन्धहरुका बीच ४८ वर्षीय राष्ट्रपति डुडा कोरोना पोजेटिभ देखिएको हो ।
बिहीबार कोरोना भाइरस परीक्षण गराएका डुडाको रिपोर्ट शनिबार आएको उनका प्रवक्ता ब्लाजेज स्पाइचाल्सकीले जानकारी दिएका छन् ।
राष्ट्रपति डुडाले ट्विटरमार्फत आफू र आफ्नो टिमको कुनै पनि सदस्यलाई करोना भाइरसको लक्षण नदेखिएको जानकारी दिएका छन् । उनले पक्रिया अनुसार नै आफूहरु क्वारेन्टिनमा रहेकोसमेत जनाएका छन् । - रोयटर्स
प्रकाशित मिति: शनिबार, कात्तिक ८, २०७७ १५:५१
प्रतिक्रिया दिनुहोस्