लन्डन । बेलायतमा रहेका करिब ३० लाख हङकङबासीहरुलाई बेलायती नागरिकता उपलब्ध गराउने योजनाप्रति प्रतिबद्धता जनाएपछि चीनले बेलायतलाई 'तत्काल गल्ती सच्याउन' चेतावनी दिएको छ ।
चीनले हङकङमा नयाँ सुरक्षा कानुन लागु गरेपछि बेलायतले जुलाइमा हङकङबासीहरुलाई नागरिकता उपलब्ध गराउने घोषणा गरेको थियो । चीनले हङकङमा नयाँ सुरक्षा कानुन लागु गरेपछि हङकङको स्वायत्तता र स्वतन्त्रता कुल्चिएको भन्दै आलोचना गरिएको थियो ।
आलोचकहरुले सन् १९९७ मा बेलायतले हङकङलाई चीनको जिम्मा लगाउँदा गरेको सम्झौताको पनि उल्लंघन गरेको आरोप लगाएका छन् । चीनले यसअघि पनि हङकङ चीनको आन्तरिक मामिला भएकोले यस विषयमा टिप्पणी नगर्न चेतावनी दिएको थियो ।
बेलायतले गरेको नागरिकताको प्रस्ताव सबै हङकङबासीका लागि नभइ ब्रिटिश नेशनल ओभरसिज् (बीएनओ) पासपोर्टबाहकहरुलाई मात्रै उपलब्ध गराउने जनाएको थियो ।
हाल करिब ३० लाख हङकङबासीहरुले बीएनओ पासपोर्ट प्राप्त गरेका छन् भने २९ लाख मानिसहरुमात्रै नागरिकताका लागि योग्य रहेको हङकङस्थित बेलायती कन्सुलेट जनरलले जनाएको छ । - बीबीसी
