एजेन्सी । इटालियन सिरी ए फुटबलमा नेपोलीले सहज जित निकालेको छ । शनिबार बेलुका भएको खेलमा नेपोलीले एट्लान्टामाथी ४–१ को सहज जित निकालेको हो ।
खेलको २३ औं मिनेटमा हिर्विङ लोजानोले गोल गर्दै घरेलु टोलीलाई खेलमा अग्रता दिलाएका थिए । त्यसको चार मिनेट नबित्दै लाजानोले नै व्यक्तिगत दोस्रो गोल गर्दै घरेलु टोली नेपोलीको अग्रता दोब्बर पारे । २७ औं मिनेटमा लोजानोले मेर्टेनजको पासमा गोल गरेका थिए ।
३० औं मिनेटमा माटेओ पोलिटानोले गोल गरे । उनले रुइजको पासमा गोल गर्दै नेपोलीलाई ३–० कोल अग्रता दिलाए । पहिलो हाफ सकिन दुई बाँकि रहँदा भिक्टर ओसिम्हेनले गोल गरे । उनले ओस्पियनको पासमा गोल गर्दै घरेलु टोलीलाई पहिलो हाफमा ४–० को अग्रता दिलाए ।
पहिलो हाफमा आक्रमक फुटबल खेलेको नेपोलीले दोस्रो हाफमा भने गोल गर्न सकेन् । दोस्रो हाफमा पाहुना टोली एट्लान्टाले एक गोल फर्काएको थियो । ६९ औं मिनेटमा साम लामेर्सले रोमेरोको पासमा गोल गर्दै टोलीलाई खेलमा फर्काउने प्रयास गरे । तर, थप गोल गर्न नसक्दा नेपोलीले खेल ४–१ को फराकिलो अन्तरले जितेको हो ।
यस जितसँगै चार खेलेको नेपोली आठ अंक जोड्दै अंक तालिकाको तेस्रो स्थानमा उक्लिएको छ । सुरुवाती चार खेलमा पहिलो हार व्यहोरेको एट्लान्टा भने ९ अंकसहित दोस्रो स्थानमा छ ।