बेइजिङ । चीन सरकारले किङदाओ सहरमा कोरोना भाइरसको संक्रमण बढ्दै गएपछि दुई उच्च अधिकारीहरुलाई पदमुक्त गरेको छ ।
किङ्दाओ सहरमा एक अस्पतालबाट कोरोना भाइरसको संक्रमण सुरु भएपछि सहरको स्वास्थ्य आयोगमा प्रमुखलाई पदमुक्त गरिएका हुन् ।
किङदाओ सहरमा पाँच दिनभित्र ९० लाख मानिसहरुको कोरोना परीक्षण गर्ने लक्ष्य अन्तर्गत बृहत परीक्षण भइरहेको छ । हालसम्म ५० लाख मानिसहरुको कोरोना परीक्षण भइरहेको छ ।
चीनले गत मेमा वुहान सहरका एक करोड १० लाख बासिन्दाको परीक्षण गरेको थियो ।
हालसम्म नयाँ कोरोना संक्रमित फेला परेका थिए । यसअघि सहरमा १२ जना संक्रमित फेला परेका थिए । उनीहरु सबैमा कोरोना भाइरसको लक्षण देखिएको छ ।
कोरोना महामारी बढेपछि कम्युनिस्ट पार्टीका अधिकारीसमेत रहेका वरिष्ठ व्यवस्थापकलाई सजाय स्वरुप उनीहरुलाई पदमुक्त गरिएको जनाइएको छ ।
यसअघि कोरोना महामारीको उद्गम थलो भनिएको वुहान सहरका मेयरले कोरोना महामारीबारे पार्टीका अधिकारी र सार्वजनिक नगरेप्रति क्षमायाचना गरेका थिए । -बीबीसी