काठमाडौं । प्रधानमन्त्री केपी शर्मा ओलीले राज्य प्रणालीलाई भ्रष्टाचाररहित बनाउन प्रयास भइरहेको बताएका छन् । गैरआवासीय नेपाली संघलाई भर्चुअल सम्बोधन गर्दै प्रधानमन्त्री केपी शर्मा ओलीले शोषणरहित प्रजातन्त्रको बाटो समातेको बताएका हुन् ।
“हामीले कम्प्रेहेन्सिभ डेमोक्रेसीको बाटो समातेका छौं । भ्रष्टाचाररहित, सुशासनको बाटो समातेका छौं,” प्रधानमन्त्रीले सम्बोधनका क्रममा भने, “विकासको बाटो हामीले समातेका छौं । विकासमा प्रयासहरूमार्फत् समृद्ध नेपाल सुखी नेपालीको राष्ट्रिय आकांक्षा, यो सबै नेपालीहरूको आकांक्षा हो ।”
समृद्ध नेपाल, सुखी नेपाली परिकल्पनामात्र नभई आकांक्षा र मुलुकको उद्देश्य भएको दोहोर्याए ।
“यसका लागि हामीले तीव्र आर्थिक वृद्धिदर चाहिन्छ । दुर्भाग्यवश यतिबेला कोभिडका कारणले हाम्रो आर्थिक वृद्धिदरमा गम्भीर धक्का लागेको छ,” प्रधानमन्त्रीले भने, “कतिपय बलिया अर्थतन्त्रभन्दा हामी प्लसको स्थितिमा छौं । शून्यको स्थितिमा छैनौं । माइनसमा जाने सम्भावना छैन ।”
फाइल तस्बिर ।
