काठमाडौं । नेपाल राष्ट्र बैंकले विभिन्न भुक्तानी प्रदायक र भुक्तानी प्रणाली सञ्चालकबाट भुक्तानी हुने राजस्वमा सीमा निर्धारण गरेको छ । राष्ट्र बैंक भुक्तानी प्रणाली विभागले भुक्तानी प्रणालीसम्बन्धी एकीकृत निर्देशिका संशोधन गर्दै उक्त व्यवस्था लागु गरेको हो ।
राष्ट्र बैंकले नेपाल सरकार, राजस्व व्यवस्थापन सूचना प्रणालीमा आबद्ध भएका भुक्तानी सेवा प्रदायकले सञ्चालन गरेको वालेटमार्फत राजस्व भुक्तानी गर्दा लाग्ने शुल्क तोकेको हो । जसअनुसार वालेटमार्फत एक हजारसम्मको राजस्व नि:शुल्क भुक्तानी गर्न सकिनेछ ।
त्यस्तै एक हजार एकदेखि तीन हजारसम्म पाँच रुपैयाँ, ३००१ देखि, १० हजारसम्मको भुक्तानीमा १० रुपैयाँ र सोभन्दा माथिको भुक्तानीमा ३० रुपैयाँ शुल्क लाग्नेछ ।
केन्द्रीय बैंकले पुस मसान्तसम्मका लागि भने वालेमार्फत हुने राजस्व भुक्तानी नि:शुल्क गर्नसमेत भुक्तानीसम्बन्धी कार्य गर्ने संस्थालाई निर्देशन दिएको छ ।