मस्को । गत सातादेखि द्वन्द्वग्रस्त बनेको नागोर्नो-काराबख विवादित क्षेत्रको विषयमा वार्ता गर्न अर्मेनिया-अजरबैजना सहमत भएको रुसले जनाएको छ । रुसले शुक्रबार दुबै मुलुकहरुले वार्ताका लागि इच्छा जनाएका छन् ।
रुसले यसलाई 'पछिल्लो तनाव अन्त्यका लागि एक ठूलो कदम भएको' बताएको छ । अजरबैजनाले मस्कोमा हुने वार्ताका लागि परराष्ट्रमन्त्री जेहुन बेरामोभ सहभागी हुने बताएको छ ।
यसअघि रुसी राष्ट्रपति भलादिमिर पुटिनले नागोर्नो-काराबख क्षेत्रमा सैन्य गतिविधि रोक्न आग्रह गरेका थिए ।
राष्ट्रपति पटिनले अजरबैजानका राष्ट्रपति इलहाम अलीयभ र अर्मेनियाका प्रधानमन्त्री निकोल पास्हिनयानसँगको टेलिफोन वार्तापछि दुबै पक्षलाई वार्ताका लागि मस्को बोलाएका हुन् ।
पछिल्लो समय दुबै मुलुकले एकअर्कालाई आरोपित गर्न समाजिक सञ्जाल ट्विटर प्रयोग गरिरहेका छन् । अर्मेनियाले अजरबैजानको सैन्यबलले अझै उक्त क्षेत्रमा गोलाबारी गरिरहेको आरोप लगाएको छ ।
त्यसैगरी अजरबैजानले ट्विटरमार्फत भनेको छ, "अजरबैजानको नेशनल एजेन्सी फर माइन एक्सनले हालसम्म २९ वटा विस्फोट नभएका मिसाइलहरु निस्क्रिय पारेको छ । द्वन्द्वग्रस्त क्षेत्रभन्दा बाहिर आठ क्षेत्रमा उक्त मिसाइलहरु अर्मेनियाले प्रहार गरेको थियो ।"
अर्मेनियाको नियन्त्रणमा रहेको नागोर्नो-काराबख क्षेत्रका रक्षामन्त्रीले थप २६ जनाको मृत्यु भएको र हालसम्म उक्त द्वन्द्वमा मृत्यु हुनेको संख्या ३७६ पुगेको बताएका छन् । दुबै मुलुकबीच पहिलो पटक सेप्टेम्बर २७ मा गोली हानाहान भएको थियो । - अलजजिरा