काठमाडौं । नेपालका लागि ब्राजिलकी राजदूत मारिया टेरेसा पेसोआमा कोरोना संक्रमण देखिएको छ । 

उनले आफ्नो फेसबुक पेजमा स्टाटस लेख्दै आजै कोभिड १९ को रिपोर्ट आएको जानकारीका साथ आफू कोरोना संक्रमित भएको बताएकी हुन्।

‘‘आजै बिहान कोरोना पोजिटिभ भएको रिपोर्ट आएको छ । तर म ठीक छु। साताको अन्त्यतिर केही लक्षण देखिएको तर अहिले स्वाद र गन्ध थाहा नहुने मात्र भएको छ। म कोरोनाको लक्षण देखेदेखि आज सातौं दिनमा छु,’’ स्ट्याटसमा उनले लेखेकी छन्, ‘‘डाक्टरले म एन्टी बडी विकास गर्न आधा बाटो पुगिसकेको बताएका छन् । आफ्नो ख्याल राख्नुहोला ! प्रतिरोधात्मक क्षमता बढाउनु होला ।’’