एजेन्सी । फोक्सोको क्यानसरसँग लडिरहेका अभिनेता सञ्‍जय दत्तको तेस्रो किमोथेरापी हुँदैछ । उनको ३० सेप्टेम्बरमा मुम्बईकै अस्पतलामा तेस्रो किमोथेरापी सुरु गरिने छ । 

अहिले उनी श्रीमती र छोराछोरीसँग समय बिताउन दुबईमा छन् । तर उनको उपचारका लागि सञ्‍जय चाँडै नै मुम्बई फर्किनुपर्ने हुन्छ । 

उनको पहिलो र दोस्रो किमोथेरापी पनि मुम्बईमा नै भएको थियो । उनको पहिलो थेरापीपछि डा. जलील पारकरले अहिलेसम्म कति पटक किमोथेरापी गर्नुपर्ने भन्‍न नसकिने बताएका थिए । 

अभिनेता सञ्‍जय भने अमेरिका वा सिंगापुरमा गएर किमोथेरापी गराउन चाहन्थे तर त्यो सम्भव भएन । यद्यपि यो पहिलो चरणको उपचार मुम्बईमै गराए पनि उनी त्यसपछिको उपचारका लागि भने अमेरिका जाँदै छन् ।

सञ्‍जयले केही साताअघि मात्रै चलचित्र ‘शमशेरा’को बाँकी रहेको सीन छायांकन सकाएका छन् । अझै उनको अन्य चलचित्र ‘पृथ्वीराज’ र ‘केजीएफ २’ को छायांकन बाँकी नै छ । - नवभारत टाइम्स