काठमाडौं । नेपाल इन्भेष्टमेन्ट बैंकले ऋणपत्र निष्कासन गर्ने भएको छ । बैंकले ४ अर्ब रुपैयाँ बराबरको ऋणपत्र निष्कासनको अनुमति माग गर्दै धितोपत्र बोर्डमा आवेदन दिएको छ । बैंकले असोज ५ गते बोर्डमा आवेदन दिएको हो ।
बैंकले ८.५ प्रतिशत ब्याजदरको ७ वर्ष अवधिको ऋणपत्र निष्कासन गर्न लागेको हो । बैंकले प्रति एकाइ १००० रुपैयाँको ४० लाख कित्ता निष्कासन गर्न लागेको हो ।
धितोपत्र बोर्डले अनुमति दिएपछि बैंकले उक्त ऋणपत्र निष्कासनमा ल्याउने छ । बैंकले निष्कासन गर्न लागेको कुल ऋणपत्रमध्ये १६ लाख कित्ता सर्वसाधारणको लागि बिक्रि खुला गर्नेछ । २४ लाख कित्ता भने बैंकले व्यक्तिगत रुपमा बिक्रि गर्नेछ ।
बैंकको ऋणपत्र निष्कासनको लागि बिक्रि प्रबन्धकमा आरबीबी मर्चेन्ट बैंकिङ रहेको छ ।