काठमाडौं । साहित्यिक संस्था भूगोल साहित्य समाजको प्रथम वार्षिकोत्सव सम्पन्‍न गरिएको छ । मंगलबार भर्चुअलरूपमा एक आपसमा बधाई शुभकामना साट्दै कविता वाचनसहित भूगोलले वार्षिक उत्सव मनाएको हो । 

उक्त भर्चुअल कार्यक्रममा कविहरू विनोद नेपाल, दिनेशविक्रम थापा, शैलेन्द्रकुमार शाह, नवराज पुडासैनी, मुकुन्द अर्याल, गुप्तबहादुर राना, हरिश्चन्द्र गौतमलगायतले समसामयिक विषयमाथि लेखिएका कविता वाचन गरे । 

कार्यक्रममा समाजका अध्यक्ष विनोद नेपालले वर्तमान असहज परिस्थितिकाबीच पनि समाजले वर्षभरिमा सातवटा कार्यक्रम सफलतापूर्वक सम्पन्न गरेको बताए । उनले समाजले एउटा पुस्तकसमेत प्रकाशन गरेको उल्लेख गरे ।