दाङ । तुलसीपुरमा ७ महिनो बालकसहित थप २१ जनामा कोरोना संक्रमण पुष्टि भएको छ ।

राप्ती स्वास्थ्य विज्ञान प्रतिष्ठान घोराहीमा गरिएको कोरोना परीक्षणमा तुल्सीपुरका ७ महिने बालकसहित तुलसीपुर उपमहानगरपालिका ३ जना कर्मचारी, इन्टरनेट वर्ल्ड लिंकका ३ जना कर्मचारीमा समेत कोरोना संक्रमण पुष्टि भएको तुलसीपुर उपमहानगरपालिका कोभिड १९ फोकल पर्सन बिमल केसीले जानकारी दिएका छन् ।

तुल्सीपुरका कर्मचारी, इन्टरनेटका कर्मचारी, क्वारेन्टिनमा बसेका र कन्ट्याक्ट ट्रेसिङ गरी जम्मा ८४ जनाको नमुना स्वाव संकलन गरी परीक्षण गर्दा २१ जनामा कोरोना संक्रमण पुष्टि भएको हो ।

संक्रमित हुनेमा तुलसीपुर उपमहानगरपालिका वडा नम्बर १ का ४ वर्षीय बालक र २४ वर्षीय पुरुष र २३ वर्षीया महिला, वडा नम्बर २ का ३१, २५ वर्षका दुई पुरुष र ६१ वर्षीया महिला , वडा नम्बर ३ का ५८ वर्षीय पुरुष र ७, १४ वर्षीया बालिका र २५ बर्षीया महिला, वडा नम्वर ५ का ५०, २२, २५ बर्षका पुरुष र २५,२७ बर्षीया महिला, वडा नम्वर ६ का २८, १२, ३१ बर्षीय पुरुष,वडा नम्वर ८ का २९ बर्षका पुरुष र १० बर्षीया बालिका र वडा नम्वर ११ का ७ महिने बालक रहेको फोकल पर्सन केसीले जानकारी दिए ।

फोकल पर्सन केसीका अनुसार संक्रमितमध्ये तुलसीपुर उपमहानगरपालिका ३ कर्मचारी, वर्ल्ड लिंकका ३ जना कर्मचारी, क्वारेन्टिनका ८ जना र कन्ट्याक्ट ट्रेसिङका ७ जना रहेका छन् । योसँगै तुलसीपुरमा संक्रमितको संख्या २ सय १ जना पुगेको छ भने हाल सक्रिय संक्रमितको संस्था ५६ रहेको छ ।

लमही नगरपालिका एक साताका लागि सिल

यसैबीच लमही नगरपालिकामा एक जना वडाध्यक्षसहित ६ जनामा कोरोना संक्रमण देखिएपछि नगरपालिका कार्यालयसहित वडा कार्यालय ७ दिनका लागि सिल गरिएको छ ।

घोराहीमा रहेको राप्ती स्वास्थ्य विज्ञान प्रतिष्ठानमा गरिएको कोरोना परीक्षणका क्रममा लमही नगरपालिका वडा नं। ५ का वडा अध्यक्षसहित ६ जनामा कोरोना पुष्टि भएको हो । उनीहरु मध्य ४ जना क्वारेन्टाइनमा बसेका रहेका छन भने दुई जना समुदायस्तरका नागरिक हुन् ।

लमहीमा कोरोना सर्ने जोखिम बढेको र वडा नं. ५ को कार्यालयसहित नगरपालिका कार्यालय सेनेटाइजर गर्नुपर्ने भएकाले लमही नगरपालिका एक हप्ताका लागि सिल गरिएको लमही नगरपालिका प्रमुख कुलबहादुर केसीले जानकारी दिएका छन् । उनका अनुसार अत्यावश्यक काम बाहेक अन्य काम नहुने समेत जानकारी दिएका छन् ।

कोरोना संक्रमितहरु लमही–१, ४, ५ र ६ नम्वर वडाका नागरिकहरु रहेका छन् । लमही नगरपालिका स्वास्थ्य शाखाको तथ्यांक अनुसार अहिलेसम्म लमही नगर क्षेत्रमा ५४ जनामा कोरोना संक्रमण देखिएको छ । संक्रमितमध्ये ३८ उपचारपछि निको भएर घर फर्किएका छन् । दाङमा कोरोना संक्रमितहरु १ हजार बढी पुगेका छन् ।