site stats
बाह्रखरी :: Baahrakhari
विचार
Nabil BankNabil Bank
Sarbottam CementSarbottam Cement
Ghorahi CementGhorahi Cement
अनुभवको गर्भबाट कानुनको जन्म

सडकमा सवारी साधन चलेको छैन भन्दैमा पेटी छोडेर बीच सडकबाट हिँड्न थाल्यौँ भने कुनै पनि बेला दुर्घटनामा पर्न सकिन्छ । यसैगरी जंगलमा एक्लै हुँदैमा निर्वस्त्र हिड्न पनि हँुदैन । प्राचीन समयदेखि समाजमा मानिदै आएका धर्म, संस्कार, संस्कृति, चालचलन, रीतिरिवाज सबै मानिसको जीवनलाई सहज बनाउन निर्माण गरिएका उपाय हुन् । अर्कोतिर मानवलाई दानवमा परिणत हुन नदिई मानवतासहितको जीवनको अस्तित्व कायम गर्न र अनुशासित बनाउन विवेकीहरुका अनुभवमा आधारित नियम तथा मान्यता हुन् । 

समाजमा यति भए आपराधिक गतिविधि रोक्न सकिन्छ भन्ने ध्येयले नै संस्कारहरु चलनमा ल्याइएका हुन् । देश, समाज, जातजाति भाषा धर्मअनुसारै संस्कार, संस्कृति, चालचलन, रीतिरिवाजमा पनि भिन्नता पाइन्छ । 

Agni Group

विज्ञान तथा प्रविधिको यस युगमा विकाससँगै विनाशका शृंखला पनि सुरुभएका छन् । आधुनिक प्रविधिले मानव गतिविधि बढेर स्थिति नियन्त्रणबाट टाढा हुनसक्ने देखेर राष्ट्रहरुले यससम्बन्धी कानुन निर्माण प्रारम्भ गरे हुनन् । तिनै कानुनकोे अभ्यासका क्रममा प्राप्त अनुभव देश देशका बीच आदानप्रदान भई सबै देशले आआफ्नै परिवेश सापेक्ष कानुन निर्माण गरी कानुनी राज्यका रुपमा अस्तित्व कायम गरे होलान् । बिस्तारै हाम्रो देशले पनि विभिन्न देशका सान्दर्भिक कानुनलाई आत्मसात गरी साझा कानुनको अवधारणामा केही थपघट गर्दै आफ्नो छुट्टै संविधान र त्यसको कार्यान्वयनको लागि आवश्यक कानुनसहितको राज्यको रुपमा विश्वमा परिचय बनाउँदै गएको देखिन्छ । 

देशमा नियम कानुन भए पनि मानिस अनुशासनको परिधिमा आफैँ कसिन सक्दोरहेनछ । स्वतन्त्र नागरिक हुनुको अर्थ अराजक बन्नु होइन भन्ने चेतनाको अभावमा मानिसले स्वच्छन्द भएर वितण्डा मच्चाएको उदाहरण नेपालका साथै अन्य देशहरुमा पनि पाइन्छन् । कर्तव्य र दायित्व बिर्सेर अनुशासनको सीमा पार गर्दै मनलागी गर्दा विविध नकारात्मक घटना हुन्छन् र त्यसको दुष्परिणाम सिंगो समाजले बेहोर्नुपर्ने हुन्छ । । कानुनले मात्र मानिसलाई अनुशासनमा बाँध्न सक्दैन । न त कुनै निर्धारित सजायको डरले नै । 

Global Ime bank

कुनै पनि अपराध गर्नु वा गराउनुपूर्व कसैले पनि विश्लेषण गर्दैन । भनिन्छ नि — ‘रिसाएको वेला कसैले वेद पढ्दैन’ । यी सबको मुख्य कारण  व्यक्तिकोे आचरण तथा व्यवहार वा भनौ हामीले सिकेका संस्कार, संस्कृति र सभ्यता नै हो ।  हामीसँग भएको असल आचरण जो हामीले आफ्ना घर परिवार, साथीसंगाती, छरछिमेकलगायत समाजबाट सिकिआएका हुन्छौँ । अपराध र आपराधिक मानसिकतामा अवरोध गरी दुर्घटना हुनबाट जोगाउने त्यहीमात्र एक उचित र भरपर्दो अश्त्र हो । 

हामीले आफूलगायत आफ्ना घरपरिवार, छरछिमेक, साथीसंगातीलाई भोलि कानुन बनाउन उचित हुने खालका संस्कारमा अभ्यस्त बनाउने प्रयत्नको थालनी गर्न  अत्यावश्यक छ । मानिसको जीवनमा परीक्षा  विद्यालय र विश्वविद्यालयमा मात्र हुन्छ भन्ने प्रचलित मान्यतामा परिवर्तन गराई हामी जीवनको प्रत्येक क्षणमा जाँचिइरहेका हुन्छौँ भन्ने बुझ्न सक्नुपर्छ । हामीले गलत कार्य गर्नुहुन्न भन्ने चेतना स्वःस्फूर्तरुपमा निस्कने वातावरणको सिर्जना गर्नसकेमा भ्रष्टाचार, मानव बेचबिखन, लागू पदार्थ दुव्र्यसन, घुसखोरी, ठगी, जालसाजीआदि मात्र नभई बलात्कार, हत्याजस्ता जधन्य अपराधलाई पनि कम गर्न सकिन्छ । (अधिवक्ता)

NIBLNIBL
प्रकाशित मिति: मंगलबार, असोज ६, २०७७  २०:१३
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC