एम्बाप्पे नाइसविरुद्ध खेल्न सम्भावना

एम्बाप्पे नाइसविरुद्ध खेल्न सम्भावना

एजेन्सी । पेरिस सेन्ट जर्मन (पीएसजी) का युवा स्टार खेलाडी केलियन एम्बाप्पेले नाइसविरुद्धको खेल खेल्ने सम्भावना रहेको बताइएको छ । कारोना भाइरस पोजेटिभ देखिएका एम्बाप्पेले आइतबार नाइसविरुद्धको खेलका लागि उपलब्ध हुनसक्ने प्रशिक्षक थोमस टुचेलले बताएका छन् ।

नेसनस लिगका लागि फ्रान्स राष्ट्रिय टोलीको समावेश भएका एम्बाप्पेलाई नेसनस लिगको दोस्रो खेल पूर्व कोरोना भाइरसको सकारात्मक नतिजा आएको थियो । त्यसपछि उनले फ्रोन्च लिग वान २०२०-२१ का सुरुवाती तीन खेल गुमाइसकेका छन् । 

पीएसजीले लिग वानका सुरुवाती दुई खेल गुमाउँदा तेस्रो खेल जितेको छ । प्रशिक्षक टुचेलले सिजन २०१९-२० मा शीर्ष गोलकर्ता बनेका एम्बाप्पे नाइसविरूद्ध उपलब्ध हुन आशा रहेको बताएका छन् ।

“एम्बाप्पेले राम्रो महसुस गरिरहेका छन् । उनीमा कुनै लक्षण छैन,” प्रशिक्षक टुचेलले भने, “उनका केही व्यक्तिगत प्रशिक्षण सत्रहरू छन् । यदि उनले टोलीका सहकर्मीसँग प्रशिक्षण गर्न पाए भने उनी खेलमा फर्किनेछन् । यो सम्भव छ भने हामी शनिबार निर्णय गर्नेछौं । मैले डाक्टर र एमबाप्पेसँग कुरा गर्नुपर्नेछ ।” 
 

प्रतिकृया दिनुहोस
ad