काठमाडौं । हिमालय एयरलाइन्सले नियमित एवं चार्टर उडानको भाडादर सार्वजनिक गरेको छ । 

सरकारले अन्तर्राष्ट्रिय उडान पुनः सञ्‍चालन गर्ने निर्णय गरेसँगै हिमालय एअरलाइन्स्ले सहजै पीसीआर उपलब्ध गन्तव्यहरु (छोड्ंछिडं, क्‍वालालम्पुर र आबुधावीको उडानहरु सञ्‍चालन गर्न अनुमति प्राप्त गरेको छ । पीसीआर परीक्षणको उपलब्धता कठिन भएका अन्य उडान गन्तव्यहरुमा सरकारको निर्णय अनुरुप नै चार्टर उडानमार्फत नेपालीलाई स्वदेश फिर्ता गर्ने कार्य सुचारु रहने कम्पनीले जनाएको छ । 

विदेशमा अलपत्र रहेका नेपालीहरुलाई स्वदेश फिर्ता ल्याउन उद्घार उडानहरुको लागि एयरलाइन्सले दबाम, रियाद, ढाका, दोहा, कुवेत, बहराइन, माले, सिंगापुर  र इस्लामाबादको चार्टर उडानको भाडा दर सार्वजनिक गरेको हो । 

हिमालयले यी भाडाहरु कर र एजेन्सी कमिशन सहितको रहेको जनाएको छ । प्रकाशित भाडा मात्र तीर्न तथा कसैबाट कुनै प्रकारको अतिरिक्त भाडाको माग भएको अवस्थामा तुरुन्त एअरलाइन्स्लाई जानकारी एयरलाइन्सले आग्रह गरको छ । 
 
यसैगरी हिमालय एयरलाइन्सले नियमिततर्फ काठमाडौं-अबुधावी-काठमाडौं र काठमाडौं-क्‍वालालम्पुर-काठमाडौंको भाडा दर सार्वजनिक गरेको छ । 

नियमित उडानहरुका लागि उपलब्ध सिट ग्लोबल डिस्ट्रीब्युसन सिस्टम (जीडीएस) बाट बुक गर्न सकिने कम्पनीले जनाएको छ । ट्राभल एजेन्सीहरुले ग्लोबल ड्रिस्ट्रीब्युसन सिस्टम (जीडीएस) बाट सिटहरु बुक गर्न सक्नेछन् । 

नियमित उडानको भाडादर प्रतिस्पर्धी मूल्य निर्धारण, उडान अर्थशास्त्र र बजार स्थितिको अध्ययनका साथ अन्तर्राष्ट्रिय अभ्यासमा आधारित रहेको एयरलाइन्सले जनाएको छ । 

नियमित उडानको भाडादरम पनि सम्पूर्ण कर सहितको रहेको तर एजेन्सी सेवाशुल्क समावेश नगरिएको कम्पनीले जनाएको छ । ट्राभल एजेन्सीले उपयुक्त सेवा लागु गर्नसक्ने एयरलाइन्सले जनाएको छ । कोभिड- १९ मा सेवा प्रदान गर्ने क्रममा सरकारको निर्देशन पालना गर्दै उडान भाडादर उपयुक्त राख्‍ने निरन्तर प्रयास रहने हिमालय एअरलाइन्सका उपाध्यक्ष विजय श्रेष्ठले बताए ।