वाशिङ्टन । संयुक्त राज्य अमेरिकाका राष्ट्रपति डोनाल्ड ट्रम्पले बुधबार नर्थ क्यारोलिना राज्यका मतदाताहरुलाई नोभेम्बर निर्वाचनमा दुई पटक मतदान गर्न आग्रह गरेका छन् । 

उनीले मतदाताहरुलाई एकपटक प्रत्यक्ष र अर्कोपटक हुलाकमार्फत मतदान गर्न आग्रह गरेका हुन् । विलमिङ्‌टनमा विसीटी-टिभीसँगको कुराकानीमा हुलाकमार्फत पठाइएको मतको सुरक्षाको विषयमा सोधिएको प्रश्नमा उनले भने, "उहाँहरूलाई हुलाकमार्फत पठाउन र मतदान गर्न दिनुहोस् । यदि उहाँहरुले भनेजस्तै मतदान प्रणाली राम्रो भयो भने पक्कै पनि दुईपटक मतदान गर्नुपर्दैन । हुलाकबाट पठाए हुन्छ ।" 

निर्वाचनमा एकपटकभन्दा बढी मत दिनु अपराध मानिन्छ । 

नर्थ क्यारोलिनाका महान्याधिवक्ता जनरल जोश स्टेनले भने, "राष्ट्रपति ट्रम्पले नर्थ क्यरोलिनाका मतदाताहरुलाई कानुन उल्लंघन गर्न उक्साइरहेका छन् ।" 

उनले थपे, "एकपटक मतदान भए-नभएको यकिन गर्नुहोस् । तर, दुईपटक मत नदिनुहोला । म नोभेम्बरमा जनताको चाहनालाई समर्थन गर्न आफ्नो शक्तिले सकेजति गर्नेछु ।" 

अमेरिकी महान्यायाधिवक्ता विलियम बारले राष्ट्रपति ट्रम्पले मतदान प्रणालीको निगरानी क्षमता राम्रो नभएको तर्फ संकेत गर्न खोजेको बतएका छन् । दुईपटक मतदान गर्न गैरकानुनी मानिने उल्लेख गर्दै उनले भने, "त्यो राज्यमा कस्तो कानुन त मतदानसम्बन्धी, मलाई थाहा छैन ।" 

बारले राष्ट्रपति ट्रम्पलाई समर्थन गर्दै नोभेम्बर ३ मा हुने निर्वाचनमा हुलाकमार्फत मतदान गर्नु ठगी गर्न सकिने जोखिम उच्च हुने बताएका छन् । 

हुलाकबाट मतदान गर्दा ठगी र कमजोरी हुनसक्ने भन्दै सुरुदेखि नै विरोध गर्दै आएका छन् । तर, विज्ञहरुले भने अमेरिकामा कुनै पनि किसिमको मतदानमा फ्रड हुन नसक्ने बताएका छन् ।

आगामी नोभेम्बर ३ मा अमेरिकाको राष्ट्रपति निर्वाचनका लागि ट्रम्पले डेमोक्रेटिक उमेदवार जो बाइडेनसँग प्रतिस्पर्धा गर्ने भएका छन् ।  - रोयटर्स