ढाका । दक्षिण कोरियाली विशाल प्रविधि कम्पनी सामसङले आफ्नो पछिल्लो संस्करणको नोट २० र नोट २० अल्ट्रा ५ जी बंगलादेशबाट उत्पादन गर्ने निर्णय गरेको छ । दक्षिण कोरियाको यस्तो निर्णयले बंगलादेशको उत्पादन क्षमताले विश्वव्यापी स्वीकृतिको अर्को खुड्किलो पार गरेको छ ।
५ अगस्तमा विश्वव्यापीरुपमा सार्वजनिक गरिएको ह्यान्डसेटले पाँचौं-जेनेरेसनको सेलुलर नेटवर्क प्रविधिसँग काम गर्न सक्छ । जसमा प्रयोगकर्ताहरूलाई 'रियल-टाइम' अन्तर्क्रिया, द्रुत इन्टरनेट, रेस्पोन्सिभ र धेरै डिभाइस कनेक्ट गर्नसक्ने क्षमता छ ।
"हामी ५ जी उपकरणहरू उत्पादन गर्दैछौं र यसले बंगलादेशले अब कुनै पनि प्रविधिमा काम गर्नसकेने देखाउँछ," सामसङका स्थानीय एसेम्बली पार्टनरसमेत रहेका फेयर इलेक्ट्रोनिकसका प्रमुख बजार व्यवस्थापक मोहम्मद मेसबाहले डेली स्टारलाई भने ।
सेम्पटेम्बरको मध्यसम्म पहिलो ब्याचको ५ जी प्रविधि उपलब्ध हुनेसमेत उनले बताएका छन् । कम्पनीले ५ जी उपकरणमा २६ देखि २७ प्रतिशतसम्म मूल्य थप गर्ने र यसको प्रि-बुकिङ १० अगस्तदेखि सेप्टेम्बरसम्म हुने जनाइएको छ ।