साहित्य
मन्टो मियाँले भने, "मित्र, हाम्रो टाइममा गान्धीगिरी पनि हुन्थ्यो ।"
त्यसबेलाको एउटा किस्सा उनले सुनाए ।
एकपल्ट तीनजना आतंककारी एउटा घरको ढोका फोरेर भित्र पसे । भित्र एकजना अधवैंशे, उनकी श्रीमती र बूढा बुवा थिए । आतंककारीहरूले तीनै जनालाई बन्दुक ताके । उनीहरू अलिकति पनि डराएनन् र गान्धीगिरी देखाउँदै आतंककारीहरूलाई गुलाफको फूल उपहार दिए ।"
मैले व्यग्र भएर सोधेँ, "अनि के भयो ?"
मन्टोले भने, "आतंककारीहरूले तीनै जनालाई गोली हाने र लाशहरूमा गुलाफको फूल राखेर हिँडे ।"
प्रकाशित मिति: शनिबार, जेठ २७, २०७४ ०८:४४
प्रतिक्रिया दिनुहोस्