एजेन्सी । बार्सिलोनाका प्रशिक्षक सेटिनले फ्रान्सेली विंगर ओस्मान डेम्बेलेले जर्मन क्लब बायर्न म्युनिखविरुद्ध खेल्ने बताएका छन् । उनले च्याम्पियन्स लिगअन्तर्गत क्वार्टरफाइनलको खेलका लागि बायर्नविरुद्ध खेल्न डेम्बेले फिट भएको बताएका छन् ।
डेम्बेले नोभेम्बरदेखि आफ्नो मांसपेसिका समस्या आएपछि मैदान बाहिर रहँदै आएका थिए । तर शुक्रबार लिस्बनमा लामो प्रतीक्षा डेम्बेलेलाई मैदानमा फर्काउने तयारी भएको बताएका छन् ।
“हामी राम्रो आत्माका साथ आएका छौं । यस खेलका लागि निकै नै प्रतीक्षामा छौं । यसका लागि हामीले तयारी राम्रो गरेका छौं,” सेटिनले प्र-म्याच कन्फ्रेसनमा भने, “हामी सबैका लागि सन्तोषको विषय छ कि डेम्बेले टोलीमा फर्किएका छन् । यदि हामी यसलाई उपयुक्त ठान्छौं भने उनी केही मिनेटका लागि मात्र भए पनि मैदानमा सहभागी हुन सक्ने स्थितिमा छन् । हामी उत्साही छौं कि उनी खेल्न सक्ने विश्वासमा छन् ।”
प्रशिक्षक सेटिनले बायर्न राम्रो लयमा देखिएको बताए । तर उनले बार्सिलोना आफ्नै खेलमा ध्यान केन्द्रित गर्नेमा विश्वस्त रहेको बताए । “अवश्य पनि हामी विश्वस्त छौं कि हामी सफल हुन सक्छौं । हामीलाई प्रतिद्वन्द्वीको सम्भावना, उनीहरूको संख्या र उनीहरूको क्षमता असाधारण सम्भावनाबारे थाहा छ, तर हामीसँग पनि यो सबै छ ।”