एजेन्सी । सुशान्त सिंह राजपूतको मुद्दामा 'इनर्फोसमेन्ट डिरेक्टोरेट' (ईडी)ले पैसाको मामिलमा रियासँग सोधपुछ गरिरहेको छ ।
तीन पटकसम्म सोधपुछ गर्दा पनि सत्य कुरा अझै लुकेको आशंकामा ईडीले रियाको दुई वटा फोन, ल्याप्टप र उनको परिवारको फोन पनि निगरानीमा राखेको छ । मंगलबार ईडीले रियाको फोन जफत गरेको थियो । हालै ईडीले रियाको कल लिस्टमा थुप्रै बलिउड कलाकारको नाम भएको सार्वजनिक गरेको छ ।
यस्तै ईडीले रियाको परिवारसँग सोधपुछ जारी नै राखेको छ । रियाको कल लिस्टमा श्रद्धा कपूर, आदित्य रोय कपूर, राणा दग्गुबाजी, सरोज खान, महेश भट्टदेखि आमिर खानको नाम पनि आएको छ ।
रियाको सीडीआर (कल डिटेल रेकर्ड) लिस्टमा बलिउडका तीन खानमध्ये एक आमिर खानको नाम पनि आएको छ । रिर्पोटका अनुसार, रियाले आमिरलाई एकपटक कल गरेको थियो, जसको जवाफमा अभिनेताले रियालाई तीन म्यासेज गरेको पाइएको छ ।
रियाको कल लिस्टमा आमिरको नाम भएको खबर आईएएनएसले जनाएको छ । सुशान्तको मृत्युको खबरमा आमिर, सलमान र शाहरुख तीनै खानले केही बोलेका छैनन् । यस्तै रियाले रकुल प्रितलाई ३० पटक फोन गरेको देखिएको छ भने रकुलले रियालाई १४ पटक कल ब्याक गरेको पाइएको छ ।
सीडीआर लिस्टमा ‘आशिकी २’ अभिनेता आदित्य रोय कपूरको नाम पनि आएको छ । रियाले आदित्यलाई १६ पटक कल गरेको छ भने त्यसको जवाफमा आदित्यले रियालाई ७ पटक कल ब्याक गरेको देखिन्छ ।
रिया र श्रद्धा कपूरबीच पनि फोनमा कुरा भएको रिर्पोटमा देखिएको छ । रियाले श्रद्धालाई तीन पटक फोन गरेकी छन् भने श्रद्धाले दुई पटक कल ब्याक गरेको देखिन्छ । रियाको सीडीआर लिस्टमा ‘बाहुबली’ अभिनेता राणा दग्गुबाजीको पनि नाम पनि छ । रियाको तर्फबाट दग्गुबाजीलाई ७ पटक फोन गएको छ भने दग्गुबाजीले रियालाई ४ पटक कल ब्याक गरेका छन् ।
यस्तै रिया र दिवंगत कोरियोग्राफर सरोज खानबीच पनि फोनमा कुरा भएको कल रेकर्ड रिर्पोटले देखाएको छ । रियाले सरोज खानलाई ५ पटक कल गरेकी थिइन् ।
रियाको सीडीआर लिस्टमा सबैभन्दा बढी निर्देशक महेश भट्टको नाम देखिन्छ । ८ देखि १३ जुनको समयावधिमा उनीहरुबिच धेरै कुराकानी भएको लिस्टले देखाएको छ । यसबीचमा रियाको फोनबाट महेशको फोनमा ९ पटक कल गरिएको र बाँकी सबै उताबाट कल आएको रिर्पोटबाट पत्ता लागेको छ । - नवभारत टाइम्स