साहित्य
काठमाडौं । गायिका सिर्जु अधिकारी आफ्ना स्रोता तथा दर्शकका लागि तिजको कोसीले ‘बरी लै नाँच्छु छम्म छम्म’ लिएर आएकी छन् । गीतमा उनी आफैले शब्द संकलन तथा संगीत गरेकी छन् । आफ्नो गीतमा उनी स्वयमले अभिनय गरेकी छन् ।
आर्टकी विद्यार्थी सिर्जु आफ्नो गीत अरुको भन्दा फरक रहेको बताउदै भन्छिन्, “मेरो तिजको गीत अरुको भन्दा फरक छ । म आफै पनि क्लासिकल म्युजिक सिकिरहेकाले मेरो गीत लोक र क्लासिकलको फ्यिुजन हो । शब्द टिपिकल गाउँले छ भने मेलोडी आधुनिक छ ।
सिर्जु अहिले चन्दन श्रेष्ठसँग संगीत सिकीरहेकी छन् । तिजका गीत भड्किलो र अस्लिल हुँदै गएकोप्रति आफू सचेत रहेको बताउने उनी आफ्नो गीत भने नेपाली संस्कार र सभ्यतालाई जोगाउन मद्धत गर्ने खालको रहेको दाबी गर्छिन् ।
‘म हाम्रै दिदी बहिनीका लागि गीत तयार पार्छु । सबै परिवार बसेर हेर्ने खालको गीत छ । मेरा गीत युट्युव हिट बढाउनका लागि होइन मनोरन्जनका लागि हुन्छन् ।’
‘गाउँले जीवन वेश’ र ‘आँखामा गाजल लगाउँदा’ उनलै गाएका तिज गीत हुन् । ‘मायामा हाल उजुरी’ र ‘मायाँलाई जिन्दाबाद’ उनलै गाएको गीत हो । हमाल म्युजिकले जुलाई १३ मा सार्वजनिक गरेको गीत अगष्ट ९ सम्म साढे ४१ हजार पटक सर्च गरिएको छ ।
प्रकाशित मिति: मंगलबार, साउन २५, २०७३ ०९:२४
प्रतिक्रिया दिनुहोस्