काठमाडौं । ललितपुर जिल्ला अदालतमा दैनिक ५ वटा मात्र फिरादपत्र दर्ता हुने भएका छन् । कोरोनाको संक्रमण बढेपछि अदालतले सोमबार सूचना गर्दै सेवा कटौती गरेको जानकारी गराएको हो ।
कोरोनाका कारण अदालतमा भिडभाड कम गर्नुपर्ने भन्दै अदालतबाट प्रवाह हुँदै,आएको सेवा कटौती गरिएको सूचनामा जनाइएको छ ।
जरूरी पक्राउ पुर्जी अनुमति, कल डिटेलको अनुमति प्रदान, अभियोगपत्र दर्ता, थुनछेक र बयान, मिलापत्र र मुद्दा फिर्ता, बालसुधार गृहका बालबालिका जिम्मा लिनेसम्बन्धीको निवेदनमा भने सुनुवाई हुनेछ । अत्यावश्यक २० प्रकारका विषयमा बाहेक अदालतबमट हुँदै आएको सेवा प्रवाह नहुने अदालतले जनाएको छ ।
यसअघि सर्वोच्च अदालत र काठमाडौं जिल्ला अदालले पनि सेवा कटौती गरिसकेका छन् । देशैभरका जिल्ला अदालत र उच्च अदालतले पनि कोरोना संक्रमण बढ्न थालेपछि सेवा कटौती गरेका छन् ।