कोरोना संक्रमितको संख्या २३ हजार नाघ्यो

देश

पछिल्लो २४ घण्टामा ३३८ संक्रमित थपिए, १४० जना डिस्चार्ज

बाह्रखरी सोमबार, साउन २६, २०७७

काठमाडौं । नेपालमा कोरोना संक्रमितको संख्या २३ हजार नाघेको छ । स्वास्थ्य तथा जनसंख्या मन्त्रालयका तथ्याङ्क अनुसार नेपालमा कुल कोरोना संक्रमितको संख्या २३ हजार ३१० पुगेको छ ।

मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा थप ३३८ जना संक्रमित थपिएसँगै कुल कोरोना संक्रमितको संख्या २३ हजार ३१० पुगेको छ ।

सोमबार देशैभर सक्रिय संक्रमितको संख्या छ हजार ७३८ जना रहेको उनले जानकारी दिए । कोरोना निको हुनेको संख्या १६ हजार ४९३ रहेको उनले जानकारी दिए ।

कोरोनाका पाँच सयभन्दा बढी संक्रमित उपचाररत जिल्ला पर्सा, रौतहट,महोतरी र काठमाडौं रहको मन्त्रालयले जनाएको छ । सोमबार (आज) देशैभरका विभिन्न क्वारेन्टिनमा १० हजार ७५९ जना रहेका मन्त्रालयले जनाएको छ ।