एजेन्सी । कोरोना महामारीका कारण स्थगित गरिएको अभिनेता आमिर खानको चलचित्र ‘लाल सिंह चड्डा’को छायांकन पुनः सुरु गरिएको छ । 

महामारीका बीच भारतमा छायांकन पुनः सुरु गरिहाल्न सम्भव नभएपछि आमिरले टर्कीबाट छायांकन सुरु गर्न लागेका हुन् । 

खबरका अनुसार टर्कीपछि जर्जियामा पनि चलचित्र छायांकन हुनेछ । लकडाउन अघि दिल्ली, राजस्थान, चण्डीगढ, अमृतसर र कोलकत्तामा चलचित्रको छायांकन भइसकेको छ ।
‘लाल सिंह चड्डा’ हलिउड क्लासिक ‘फोरेस्ट गम्प’ को आधिकारिक हिन्दी रिमेक हो । 

‘फोरेस्ट गम्प’मा अभिनेता टम ह्यान्क्सको अभिनय थियो भने यस हिन्दी रिमेकमा करिना कपूर खान र विजय सेतुपति लगायतका कलाकारहरुको अभिनय रहने छ । 

यहि वर्षको क्रिसमसमा रिलिज मिति तोकिएकोमा कोरोनाका कारण रिलिज मितिपछि धकेलिने देखिन्छ ।  नवभारत टाइम्स