काठमाडौं । नेपाली कथानक चलचित्र ‘डाइङ क्यान्डल’ले इन्दिुस भ्याली इन्टरनेशनल फिल्म फेष्टिभलमा दुईवटा अवार्ड हात पारेको छ । 

साउथ एसिया फोरम फर आर्ट एन्ड क्रिएटिभ हेरिटेजको प्रस्तुति साउथ एसियाज फष्र्ट बोर्डरलेस डिजिटल फिल्म फेष्टिभलमा ‘डाइङ क्यान्डल’ले दुईवटा अवार्ड हात पारेको हो । 

बेष्ट स्क्रिप्ट र बेष्ट चाइल्ड एक्टरतर्फको अवार्ड हात पारेको हो । ‘डाइङ क्यान्डल’को स्क्रिप्ट निर्देशक नरेश कुमार केसी स्वयंले लेखेका हुन् । 

‘डाइङ क्यान्डल’मा बाल कलाकारको भूमिकामा लाक्पा सिङे तामाङ छन् । 

नरेश कुमार केसीको निर्देशनमा बनेको ‘डाइङ क्यान्डल’ दिदी र भाइबीचको मायालाई मुख्य कथानक बनाइएको चलचित्र हो । 

दिदीको भूमिकामा सिर्जना सुब्बा छिन् भने भाइको भूमिकामा लाक्पा सिङे तामाङ छन् । अर्पण थापा र सौगात मल्ल पनि चलचित्रमा मुख्य भूमिकामा छन् ।