काठमाडौं । सिङ्गिङ रियालिटी शो वाइवाइ नेपाल स्टारको दोस्रो राउण्ड षडज्का चार वटै श्रृंखला छायांकन सकिएको छ । तीन श्रृंखला प्रसारण भइसकेका छन् । देशका सातै प्रदेशमा सम्पन्न अडिसनबाट छानिएका १२० प्रतिस्पर्धीमध्ये ११७ जनाले दोस्रो षडज् राउण्डमा आफ्नो सहभागिता जनाएका थिए । विभिन्न प्राविधिक कारणले बाँकी तीन जनाले भने यो राउण्डमा सहभागी हुन नपाएको बताएका आयोजकले जनाएको छ ।
प्रसारित तीन श्रृंखलाबाट ३४ जना तेस्रो राउण्डको लागि छानिएका छन् भने अब डिजिटल राउण्डको चौथो तथा अन्तिम श्रृंखला प्रसारण हुन बाँकी छ । तेस्रो राउण्डको प्रतिस्पर्धामा उत्रिनका लागि आवश्यक ४८ प्रतिस्पर्धीमध्ये १४ जनाको नाम सार्वजनिक हुन बाँकी छ ।
शनिबार राति प्रसारण हुने श्रृंखवाइवाइ नेपाल स्टारलाबाट १४ जनाको नाम सार्वजनिक हुने बताइएको छ ।
पहिले तय गरिएको फम्र्याटबाट बाहिर निस्केर सामाजिक दूरी कायम गर्दै प्रविधिमैत्री हुँदै यो राउण्डलाई सुरू गरियो । जहाँ अडिशनबाट छानिएका हरेक प्रतिस्पर्धीले आफ्नो स्वर सुहाउँदै गीत चयन गरेर यथास्थानबाटै खिचेर पठाएको भिडियोलाई मञ्चमा बजाउँदै तीनजना निर्णायकहरुलाई मात्र मञ्चमा राखेर गीत सुन्दै मार्किङ गर्ने व्यवस्था मिलाइएको आयोजकले जनाएको छ ।
नेपाल टेलिभिजनको प्रस्तुतिमा की इन्टरटेन्मेन्टको निर्माण रहेको यो कार्यक्रमको प्रसारण नेपाल टेलिभिजनमा हेर्न सकिनेछ भने नेपाल टेलिभिजनकै युट्युब र मोबाइल एपबाट पनि हेर्न सकिन्छ ।
