बेरुत । लेबनानको राजधानी बेरुतको बन्दरगाहमा मंगलबार भएको विस्फोटमा परी मृत्यु हुनेको संख्या एक सय पुगेको छ ।
उक्त विस्फोटमा करिब चार हजारभन्दा बढी घाइते भएका छन् । विस्फोटमा परी एक सयभन्दा बढी बेपत्ता भएका छन् । उनीहरुको खोजी भइरहेको जनाइएको छ । विस्फोटबाट सिंगो सहरै हल्लिएको थियो भने २४० किलोमिटरको दूरीमा रहेको साइप्रसमा पनि धक्का महसुस गरिएको जनाइएको छ ।
विस्फोटलगत्तै धुवाँको मुस्लो देखिएको थियो । लेबनानका राष्ट्रपति माइकल अउनले दुई हजार ७५० अमोनियम नाइट्रेट भएको गोदाममा विस्फोट भएको बताएका छन् । उनले तीन दिनको शोक दिवस घोषणा गरेका छन् । बुधबार बोलाइएको क्याबिनेट बैठकमा उनले बुधबारदेखि लागु हुने गरी तीन दिनको शोक दिवसको घोषणा गरेका हुन् ।
उनले बैठकमा भने, "त्यो भयानक दृश्यलाई बयान गर्ने कुनै शब्द छैन । बेरुत मंगलबार राति विपत्ग्रस्त सहरमा परिणत भएको थियो ।" -बीबीसी