लन्डन । बेलायतले हुवावेमाथि प्रतिबन्ध लगाएपछि अमेरिकी राष्ट्रपति डोनाल्ड ट्रम्पले उक्त निर्णयमा आफू जिम्मेवार रहेको बताएका छन् । अमेरिकी राष्ट्रपति ट्रम्पले बलायती प्रधानमन्त्री बोरिस जोन्सनको हुवावेलाई बेलायतको ५ जी नेटवर्कमा प्रतिबन्ध लगाउने निर्णयमा आफू जिम्मेवार रहेको बताएका हुन् ।
उनले भने, "हामीले धेरै मुलुकहरुलाई कन्भिन्स गरेका छौं । मैले नै हुवावे प्रयोग नगर्न भनेर धेरै मुलुकहरुलाई भनेको छु । बेलायतमा पनि हुवावेमाथि प्रतिबन्ध मैले गराएको हो । किनभने यो सुरक्षाका दृष्टिकोणले असुरक्षित र खतरापूर्ण छ । यो ठूलो सुरक्षा खतरा हो ।"
मंगलबार बेलायती प्रधानमन्त्री बोरिस जोन्सनले सन् २०२७ को अन्तिमसम्ममा बेलायको ५ जी नेटवर्कबाट आफ्ना सम्पूर्ण उपकरण हटाउन हुवावेलाई निर्देशन दिएका छन् । विश्वको सबभन्दा ठूलो टेलिकम उपकरण हुवावेलाई पश्चिमा मुलुकबाट लखेटिएको सन्देश प्रवाहित भएको छ ।