कोरोना नियन्त्रणका लागि सार्वजनिक ठाउँमा एसएमएस विधि लागु गर्ने 

कोरोना नियन्त्रणका लागि सार्वजनिक ठाउँमा एसएमएस विधि लागु गर्ने 

काठमाडौं । सरकारले सार्वजनिक ठाउँमा जाँदा एसएमएस विधिलाई अनिवार्य लागु गर्न निर्देशन दिएको छ ।  सोमबार बसेको मन्त्रिपरिषद् बैठकले एस अर्थात सामाजिक दूरी, एम अर्थात् मास्क अनिवार्य र एस अर्थात् स्यानिटाइजर अनिवार्य रूपमा प्रयोग गर्न निर्देशन दिएको हो । 

पालना भएनभएको अनुगमन गर्ने जिम्मा सुरक्षा निकायलाई दिइएको मन्त्रिपरिषद् स्रोतले जानकारी दिएको छ । 

“आज बसेको मन्त्रिपरिषद् बैठकले एसएमएस विधिलाई प्रभावकारीरूपमा लागु गर्ने निर्णय गरेको छ । साथै लकडाउनलाई यही स्वरूपमा साउन ७ गतेसम्म कायम राख्ने, अन्तर्राष्ट्रिय उडान र सीमा नाका पनि साउन ७ गतेसम्म रोक्ने निर्णय भएको छ,” एक मन्त्रीले बाह्रखरीसँग भने । 

उनकाअनुसार सङ्क्रमणको उच्च जोखिममा रहेका क्षेत्रमा अहिलेकै स्वरूपलाई कायम राख्ने निर्णय भएको छ ।  जोखिम कम देखिएका जिल्ला, क्षेत्रमा क्रमशः खुकुलो बनाउँदै जाने र त्यसको जिम्मा स्थानीय तह र प्रदेशलाई दिने निर्णय गरेको छ । 

“स्थानीय तह, प्रदेशले जोखिमको अनुमान गरेर खुकुलो, कडा बनाउन सक्नेछन्, त्यसका लागि डीसीसीएमसी, पीसीसीएमसी र कोरोना सङ्कट व्यवस्थापन केन्द्र सीसीएमएसीसँग समन्वय गर्नुपर्नेछ,” उनले भने ।

प्रतिकृया दिनुहोस
ad