साहित्य
काठमाडौं । दयाहाङ र नम्रता उत्कृष्ट कलाकार बनेका छन् । कबड्डी कबड्डी फिल्मबाट दयाहाङ राई उत्कृष्ट अभिनेतामा दरिएका हुन् । उत्कृष्ठ अभिनेत्रीमा क्लासिकबाट नम्रता श्रेष्ठले अवार्ड हात पारिन् ।
चलचित्र विकास वोर्डले स्थापना दिवसको अबसरमा राष्ट्रपति भवनमा कार्यक्रम गरि वितरण गर्दै आएको राष्ट्रिय चलचित्र पुरस्कार २०७२ मा पुरस्कृत हुने सिनेमा सिनेकर्मीहरुको नाम बिहीबार सार्वजनिक गरेको हो ।
जुरीले छनोट गरेका ७ विधामा विजेता तथा एउटा आदिवासी फिल्म र जुरीको तर्फबाट प्रदान गरिने विशेष पुरस्कार विजेताको नाम सार्वजनिक गरिएको छ ।
२०७२ मा प्रदर्शित चलचित्रमा ‘पशुपतिप्रसाद’ उत्कृष्ट भएको छ भने पशुपतिप्रसादबाट नै लेखनमा खगेन्द्र लामिछाने उत्कृष्ट बने । सोहि चलचित्रबाट दिपेन्द्र के खनालले उत्कृष्ट निर्देशकको पुरस्कार हात पारे ।
छायाँकनतर्फ ‘ड्रिम्स’बाट सञ्जय लामा र पुरुषोत्तम प्रधानले बाजी मारे भने सम्पादनतर्फ ‘क्लासिक’ बाट सुरेन्द्र पौडेल उत्कृष्ट दरिए ।
आदिवासी जनजाती चलचित्रतर्फ गुरुङ भाषाको सिनेमा ‘यम्फु देवराली’ उत्कृष्ट बनेको छ । जुरीले प्रदान गर्ने अधिकार पाएको विशेष पुरस्कार नव निर्देशकमा भुवन केसीले पाए ।
लाईफटाईम एचिभमेन्ट पुरस्कार अभिनेत्री बसुन्धरा भुषाललाई प्रदान गरिने भएको छ । भुषालले ३ लाख ५१ हजार पाउने छन् ।
रमेश बुढाथोकी संयोजकत्वमा लय संग्रौला, मोहन निरौला, सुशिल पौडेल, सरिता लामिछाने र करुण थापाको निर्णायक टोलीले उत्कृष्ट चलचित्रको छनोट गरेको हो ।
प्रकाशित मिति: शुक्रबार, असार १७, २०७३ १४:५५
प्रतिक्रिया दिनुहोस्